Popular Bible Verses from Ichedendik 49

Deildu

Ẹvaar k'Juda míbina e, ẹvaarchi k'ntaak sẹ mẹ́bạra ibina, tạrr etto k'ọnạng kw'achẹ ẹbaan, idifhon phyibh ibạra isạkha echo inạng-ẹ.

“Josẹph ode masẹ ichi ch'n'ẹyạm agrep, ch'ebe k'efhobh ọkhaan-ọkhaan, ch'ẹsaabhẹ abọhkha mororo. Akke-kkaamankkaam m'atima ottempyibh arima abẹ, abẹ m'atima iwawuna sididen attẹ-ẹ ayuk.”

Okhenka, m'akhema bẹ, s'avạk uyuk kwọ ijunung-ijunung, ukwuru k'efa ch'Ubinọkpaabyi kw'Ẹfa phyibh, kw'Jekọb okpobh, usi mbọhk sọ ikpọhkh-ọkpọhkhọ, ukwuru Okkeri-arạkhạmaan kw'ode Ẹtakpa ch'Israẹl, ukwuru Ubinọkpaabyi kw'atte okpobh, kw'n'ọkkaan-ọ, ukwuru Ubinọkpaabyi kw'Ẹfa phyibh, kw'udiọ-ọ ọttạra idia ch'ẹrạng n'ẹnạng, ọttạra idia ch'asi p'isisek ẹtaanga, ọttạra idia ch'ọmaan, ọttạra ch'abasi k'ọsaabh.

N'ode ọma Juda, ivatte m'atọhng-ọ. Ọwawunanạng kwọ kw'm'ọbạra obe abọ kòde, ivatte pọ phyibh m'asạkha echo anạng-ọ. Ọma Juda m'akhaama ẹfa masẹ okke-nwa, kw'ọfhọ eten uchi, ọbhạkhẹ ọkpa nnạm k'ibyi s'otto ukwu, masẹ okke-dim, ọkpẹ abạra akhubha k'isisek masẹ okke-kwa, ọnạng kw'm'okke ọmmyạn-ọ kòde.

Reubẹn, ọma wọ ade ochedennwa kwaam, abạra ade ẹfa chaam, ọma wọ ade ẹkhọhkha ch'ijunung chaam, abạra ade ọnạng kw'n'ntima nkkarẹ ẹmma. Ọma m'ade masẹ abokhada p'asi, ọma ujibhada máse, ukwuru bẹ́, annukhu ibhikha ch'atte, ayima ikwanạng kwẹ abẹ.