Popular Bible Verses from Mateo 2

Deildu

Panaa valevingela mokhate ya nyoomba, vakamowona mwana palomwi no Malia onyinya, vamotungamela no khomokumbekha mwana, papenee vatungula miligo jawe no khomopumelya mfinga ja zahabu no obani palomwi no ogaanga monogu gonaa gokhwetwa manemane.

Yesu panaa alealelagwa kho ihala la Betelehemu kho nse ya Yudea, ituungo lenaa Helode angile mwami, vamanyi va njota khopuma keeya valevapikha Yelusalemu, vaawa vakhowolya, “Alekwenii mwana yunaa alelagwa, ili awee mwami wa Vayahudi? Khwameyonaga njota yakwe kepumela keeya, nasu khwijaga khomokumbekha.”

Njota eyoo yaleyavalongolya mpakha pa lwande yenaa aleapwale mwana oyoo. Yapeta khwimelela pachanya pa lwande yenaa aleapwale mwana oyoo.

Matuunda aleavagilya kho ndoti vakhamotuwele khanke Helode, gechoo vatuuwa khokhaye jawe khwa khokelela njela jiinge. Vamanyi va njota evoo panaa angile vawokhaga, motomami wa khochanya pa Matuunda amopumelaa Yusufu kho ndoti, akamoweela, “Lawelaa, omosole mwana no nyinya mokembelele kho nse ya Misili. Mwikhalage okhoo mpakha panaa ndavawela, kho nguno Helode akhopooga khomowolaga mwana oyo.”