Popular Bible Verses from Matiyu 27

Deildu

Əsa ngye snukna ngwnu-ata n nyipyei, Yeisu wa yì n bəgyei latu, “Eloi, Eloi, lama sabachthani?” (N əkwo nu gyi nge “Əmi Shekwoyi, əmi Shekwoyi, knyiyi nu zhni ho nyi la mi ya a?”)

Nsayii əjesa n a ɓə ncei kna, Dagayipwuwa nya kwa gnajeya ngwnu-aba, ənya n kwo laka n əshe kwoi lo snuta. Əknyi kwa jeashna, ape ɓa ɓaya avnyigwo ɓa gwuya. Aza agyigyiyi anayi n ɓa ɓə kwu fyí nyi, ɓaa jezeɓe n wyewyeyi.

Njesnu She Yeisu ɓəə kwu əɓwici n bəgyei lawu, wa dna əsnu.

Əsa n bəzhetagyida n aza yii n ɓa ɓə zhi ɓai gwu Yeisu nyi, ɓə gye əknyi kwoi jeashna, jesnu n aɓo vnyanya n ɓa ɓə zhni nyi, ədna kwa wo ɓa, jesnu ɓa daɓo, “Ɓəhnihni wo ɓə zhni Shekwoyi Nugwnu nu!”

Ənya n kwo ɓə laka n nyipyei atukwogwnu kwoi lo snukna ngwnu-ata n nyipyei, wyegbma kwa ɓe kpe n əknyii vnyanya.

Byilatusu wa nya, “Knyiyi nu n mi ɓa zhni, nsayi, n Yeisui, n a yi Kirisiti nyi a?” Əɓa vnyanya ɓa dnaɓəgbe, “A la wo Znudu!” Byilatusu wa nyaɓo, “Ntu n knyiɓei a? Knyi əɓogalai nu n wo kwu zhni a?” Ama ɓa ɓəwyi əɓa vnyanya n əgbei latu, “A la wo znudu!”