Popular Bible Verses from Matiyu 24

Deildu

Ntu ń əkpízhni mwamwa ɓo, aza bəgyé əɓa yeyewu ɓə kwu fuse, ama əza ń wa myignyi nyalo azoba wo ɓə la pwo.

Njesnu a ɓə zhni nabagyi manai əbemi nya ye waazi n anyì vnyanya ngye ɓəgbmi ga abye vnyanya, nlonu, anyìzozo əsa ɓəə si.

Fye ɓə wo okwnusnu nabagyi, jesnu ń okwnusnu aɓoi ń lìya, ama fye to ɓə ye dəye kwoi kwu əfye abwugbakala m. Ɓəshishi nu aɓo ye pya ɓai zhni, ama anyìzo ye ɓeɓelo.

Əbye ɓə laka da əbye, jesnu əbemi ɓə laka da əbemi. Myikwnu kəsnui ɓəə gwnu jesnu əknyi ɓəə jeashna kwoi sofyi n aba gbowogbowo. Aɓo ye vnyanya nu zhni əɓyima nyasna yaya.

Əshe ń əknyii ɓa ɓə la duya, ama əmi aɓədagbma taa duya m nanyinanyi.

Ntuge bəgyé ɓə ɓe dna n əmi əye, ɓai gna, ‘Əmi nu zhni Kirisiti,’ jesnu ɓa ɓə dna bəgyé kwoce.

“Nlonu a ɓə kwu fye ga fyi ń aza akwnu, ai she fye əwyena, ai wu fye, jesnu abye vnyanya ɓə wnu fye ənu ntu ń əmi ɓo. N əsayii nu ń bəgyé ɓə pmyiawyeya ń gaiciyaganunui, ɓai ɓwuaje jesnu ɓai wnunu n ajei. Sheaɓəgwognayi katái n mwabəgyé ɓə kwnuɓe ɓai fyi aza bəgyé kwoce.

Yeisu wa dnaɓəgbe, “Fye la əwyewna nabai to əzaho wa dna fye kwoce m.

Ntulonu əfyenyi ce, fye kwu zhi n əfyehnii yeyei, ntuge Əza Nugwnu ɓə ɓe n əsai nu ń fye to n əwo əɓoi dnalo m.

“Ntucenu fye kwu zhigwu, ntuge fye ta kpe nyipyei əye lo ń əfye Dagayi ɓə ɓe ncei m.

“Ama ntu ń nyipyei yi ɓo kwo əsa, əzaho ta kpe əkwo əye lo m, kwo amaləka ń ɓa fyi n əshemi nyi, kwo Nugwnu m, akpəge Dada nu ɓwasnu gbmanyi.

Ntuge amasifu akatá nya ɓədo n sheaɓəgwognayi katáii ɓa ɓə kwukazhi ɓai wu aznù, ɓai zhni aɓo wowoi nabai ɓai dna aza kwoce, n kwa ye zhni, du n aknyiknyiyii.

Ngye shi kwo ɓə nyì ń Nuhu anyipyei, nlonu ń kwo ɓə snu n əwyii ń Əza Nugwnu ɓə jezeɓe nyi. Ntuge fyi n anyipyei yi, to nuwnai kwnu-akpma m, aza ɓə laɓa ɓai gyi, ɓai sni, ɓai pa amwula jesnu ɓai kna amwula, nya nyipyei ń Nuhu ɓə lodna ncei n əya nuwnanya; jesnu ɓa to ɓə kpe ɓəhoɓəhoi əye ń kwo ɓə ye kwa zhni m, nya əsa ń nuwna kpmakwnu ɓə ɓe kwaa ɓa kwuya vnyanya. Kwo ɓə ɓwa wu nlonu ń Əza Nugwnu ɓeɓe.