Popular Bible Verses from Luuka 9

Deildu

Nlonu wa gna ɓa əɓa vnyanya, “Zahozahoyi ń wo ncei pmalo waa zhni əmi mwutuyi, ɓəshishi nu waa əwohni aɓəna, jesnu wa la əwo znudu fyegyifyegyi, wa vyi mi.

Ntuge əza n wo ncei pmalo wa gnyi əwohni wyewyeyi, wo ɓə ɓwu kwo nuwna, ama əza n wo ɓa ɓwu əwo wyewyeyi nuwna ntu əmi ɓo, wo ɓə gnyi kwo.

Yeisu wa dnaɓəgbe, “Əza to lo ń wo la əɓwa tu n zukwo ofwa nya jesnu wa bmyawye; ń wo kwnuce lo wa zhni tnutnu dna n Shekwoyi əbemi m.”

Kwo n apmai lo n wunanu, n əza ɓa ɓwa anyì vnyanya, ama wa ɓwu əwo wyewyeyi nuwna a?

Əzadəhodəhoyi ń wo ɓa wó mi vnyinkwo ɓədo ń əmi aɓədagbmai, Əza Nugwnu ɓə wo əwohni vnyinkwo she wo ɓə jezeɓe dna n əwo latu n Dada latui n amaləka agyigyiyii nyai.

Yeisu wa dnaɓəgbe, “Acamcam n aɓwoi lo jesnu alú n amai kpəlo, ama Əza Nugwnu too n abai lo n wo ɓa ya əwo tukwo shi m.”

Nlonu wa gna ɓa, “Əzadəhodəhoyi n wa gwo əɓyi nawyii ye dna n əmi əye, wo la mi gwo; jesnu əzadəhodəhoyi n wa gwo mi, wo la əza gwo n wo ɓə tnu ń mii nyi. Ntuge əza ń wo nu gnagbagbai lo n əfye vnyanya mi; əwo nu zhni duduyi.”