Popular Bible Verses from Luuka 7

Deildu

Ntucenu, mi gna ho nu ge, a kwu əwo aleifyi bəgyé zo wo; ntu əwo yeye yaakwo wu ɓo. Ama əza ń a zo wo aleifyi fyewyi, wo wu yeye fyewyi nu.” Nlonu Yeisu wa gna nyikwoza yi ge, “A kwu əho aleifyi zo ho.”

Yeisu wa gna nyikwoza yi, “Əho gaiciyaganunui kwo la ho gnyiya, lo n bwugbafui.”

Shi wo ɓə gnyi ń əwo avnu ń əwo apita aba woi ciɓwi, she wo ɓə ya, wa kwu Yeisu apitabwada bwudo n əwo awyenyii. Nlonu wa wnu ɓa ya n əwo tukwoyii, wa to Yeisu apitabwada n əwo əgbei, jesnu wa zè əmisnidaí kpe n ɓa.

Cenu naa zhni to mi nyi gye əmihni kwnuce ma ɓe da ho m. Ama da ɓədagbma, jesnu əmi tnutnuyi ɓa ɓwa kágna. Ntuge əmi n mihni, mi zhni ikwoda nu, n akwnuyii fyi n əmi akwnu. Mi gna əza ye, ‘Lo,’ wa lo; əza yi, ‘Ɓe,’ wa ɓe. Mi gna əmi tnutnuyi, ‘Zhni ɓəye,’ wa zhni kwo.” She Yeisu ɓə wo əɓo ye, ca wo wo, jesnu wa pmyiawye shi bəgyé n kwo ɓə ɓe kwoi vyi wo nyi, wa gna, “Əmi nu gna fye, mi too ɓwa gaiciyaganunui yaakwo ye pya kwo dna ń Israila m.”

Dna ń əsayi, Yeisu wa ká bəgyé gna ń ɓa ɓə n agwnumai, n anyasnai ɓədo n azafnu nukwoi, jesnu waa awyebwayi bəgyé kágna n əɓa awyebwa. Ntulonu wa dna atnutnuyi ɓəgbe, “Fye jezelo fye gna Yohana aɓo ń fye kwu gyewye jesnu n fye kwu wo: Awyebwayi ɓai gyewyeba, azabmazhi ɓai znazna, anayiwnuyi ɓai ɓwa kágna, atnubwagwunayi ɓai wo atnubwaɓo, ai kwu azafyí kala, jesnu ai da nabagyi manai ga asnayi.