Popular Bible Verses from Walumi 3

Deildu

Want'hu wose watenda zambi na waza kutogoligwa na Mulungu. Chikutogoligwa na Mulungu bila kulihila kwa wende wake, kwa kufosela Yesu Kilisito ila akuwagombola.

Nzila iyo ni utogozi wawe kwa Yesu Kilisito, Mulungu akutenda ivo kwa want'hu wose wamtogolile Kilisito. Kwavila habule cha kuwabagula.

Mulungu kamulava Yesu, ili kwa damu yake awe nzila ya kuwahalavila want'hu zambi zawe kwa kumtogola Yesu. Katenda ivo ili adahe kulagisa kudamana kwake kwa want'hu, kwavila umwaka Mulungu kakala akuzifinyiza zambi wazitendile want'hu. Mulungu katenda mbuli iyo ili kulagisa kuwa yeye kadamana na kawatenda want'hu watogoligwe halongozi hake kwa kumtogola Yesu Kilisito.

Ivo habule mnt'hu yoyote naaoneke kadamana halongozi ha Mulungu kwa kutenda vila yakulonda Malagilizo, kwa vila Malagilizo yakuchitenda chizimanye zambi.

Gesa Maandiko ya Mulungu ivoyakulonga, “Habule mnt'hu hata imwe akutenda yala yakumbwedeza Mulungu! Habule hata mnt'hu imwe eli na umanyi wala habule hata mnt'hu imwe akumfugamalila Mulungu. Want'hu wose wamuleka Mulungu, watenda mbuli zihile, habule hata mnt'hu imwe akutenda mbuli zikulondigwa na Mulungu.

Kwavila Mulungu akumtogola mnt'hu kuwa kadamana halongozi hake kwa utogozi wake kwa Yesu, mbali sio kwa kutenda yala yakulondingwa muna Malagilizo.

Hata! Seke iwe ivo mbwi. Mulungu naasigale kuwa mtogofu siku zose, ingawa kila mnt'hu muhuni. Gesavila Maandiko ya Mulungu yakulonga, “Kila ukalonga, mbuli yako ikuwa kweli. Na kila ukalamula, ulamuzi wako ukuhuma.”