Popular Bible Verses from Walumi 1

Deildu

Nie sikuona chinyala kulonga Mbuli Idamane, kwavila Mbuli Idamane ni nguvu ya Mulungu ya kumuhonya chila mnt'hu ila akumtogola Kilisito, kuandusila kwa Wayahudi vilavila na wala sio Wayahudi.

Kwavila Mbuli Idamane ikulagisa Mulungu ivoakulonda chiwe ili chitogoligwe halongozi hake, mbuli ino ikutendeka kwa utogofu, kulawa mwanduso hadi nk'homelezo muutogozi wako, gesa ivoiyandikigwe, “Mnt'hu adamane kwa Mulungu naakale kwa kulongozwa na utogozi.”

Kwandusila kuumbwa kwa isi, udahi wa Mulungu wa siku zose bila uhelelo na Ulungu wake, hata ikawa haukuoneka kwa meso, mbali ukumanyika bila ya kufisa. Want'hu wakudaha kuzimanya mbuli izo kulawana na vint'hu aviumbile Mulungu. Ivoelo wabule nzila yoyote ya kuibengela.

Want'hu ao ingawa wakumanya kuna Mulungu mbali hawamtunyile gesa Mulungu wala kumwink'ha hewala, mbali waga mzimbuli zawe zihile, na myoyo yawe ili na uhenye haiimanyile nt'hume ya Mulungu.

Kwavila wakuibidula kweli ya Mulungu kuwa uhuni, na wakufugamalila na kusank'hanila vint'hu vilumbigwe na Mulungu, mbali hakumfugamalila Mulungu aviumbile vint'hu ivo, ila akulondigwa kutunyigwa siku zose. Tawile!

Maya ya Mulungu yalagiswa kulawa kuulanga kwa mbuli zose zihile na ubananzi wa want'hu wala kwa nzila zao zihile wakuilema kweli isekumanyika.

Kwa kutenda ayo, Mulungu kawaleka wagelane chinyala kwa kukola mbuli zawe za chinyala, hata wanake waleka kutenda mbuli wakulondigwa kutenda na walume zao na wakatendelana ao kwa ao. Vilavila na wanaalume wakaleka kutenda mbuli wakulondigwa kutenda na wake zao na wakutendelana ao kwa ao, na kwa kutenda ivo wakuitendela ulamuzi wawe wenyewe kwa mbuli zawe zihile. Kwavila want'hu walema kummanya Mulungu, Mulungu kawaleka wagendelele kukola magesa yawe hayakufaya, na wakatenda mbuli walemesigwe kutenda.

Wakuiyona wana umanyi mbali ni wahenye. Wakuleka kumfugamalila Mulungu ila hakudanganika na wakufugamalila nyank'hiti zilingile mnt'hu akudanganika, walingane na wanyama, ndege, egu wanyama wakutambala.