Popular Bible Verses from Yohana 15

Deildu

“Nie ndo Mzabibu, na mweye ni matambi. Mnt'hu akukala mgati mmwangu na nie mgati mmwake, iyo akweleka matunda mengi, kwa vila bila ya nie mweye hamkudaha kutenda chochote.

Kaleni mgati mmwangu, gesa nie ivo hukala mgati mmwenu. Gesa vila tambi hadikudaha kweleka matunda dikawa didumwe, ivo ivo na mweye ikawa hamkukala mgati mmwangu, hamkudaha kweleka matunda.”

Mweye mkakala mgati mmwangu, na mbuli zangu zikakala mgati mmwenu, lombeni dyodyote mkudilonda, na mweye namwink'higwe.

Mweye hamnisagulile nie, mbali nie ndo niwasagula mweye na kuwaika mkatende akuyalonda Mulungu, yala yakulonda kukala siku zose, ili Tata awenk'heni dyoydote mkudilomba gesa ivo akulonda awenk'he.

Habule ubwedo mkulu kuhuma ubwedo uno wa mnt'hu kuulava ugima wake kwaajila ya mbuya zake.

Kila tambi mgati mmwangu hadikweleka matunda Tati yangu akudikant'ha, na kila tambi dikweleka akudisafisha ili dyeleke nk'hani.

Malagilizo yangu ndo yano, mbwedane gesa nie ivo niwabwedile.

Tati yangu akutunywa ikawa mkutenda mbuli nyingi za kumbwedeza Mulungu, namweye namuwe wanahina wangu.

Kamala Yesu akalonga, “Nie ni mzabibu wa kweli, Tata yangu ndo akulima.

Mnt'hu yoyote hakulonda kukala mgati mmwangu, akusumbigwa kunze gesa tambi ivo dikusumbigwa kunze na kunyala, want'hu wakuyaduganya matambi yanyalile na kuyasoma mmoto.

Niwalongela mbuli zino ili ubwedo wangu ukale mgati mmwenu, na ubwedo wenu uwe utoga.

Mkayatoza malagilizo yangu, naamkale muubwedo wangu, gesa nie ivo niyatozile malagilizo ya Tati yangu na kukala muubwedo wake.”

Dino ndo lagilizo dyangu huwenk'hani, mbwedane.

Ingi muwile want'hu wa isi ino, want'hu wa isi ingi wawabwedileni mweye gesa want'hu wawe. Mbali mweye sio wa isi ino, mbali nie niwasagula kulawa hagati ha want'hu wa isi ino, kulawana na iyo want'hu wa isi nawawaihile.”