Popular Bible Verses from Yohana 13

Deildu

Huwenk'hani Lagilizo mpya, mbwedane mweye kwa mweye gesa nie ivo niwabwedileni, na mweye mbwedane ivo ivo. Gesa mkabwedana mweye kwa mweye, kwa nzila ino, want'hu wose nawamanye kuwa mweye ni wanahina wangu.”

Ivo elo ikawa nie Mndewa na mfunza wenu niwanawizeni mweye migulu, na mweye ikulondeka muinawize migulu mweye kwa mweye. Nie niwalagisa mlinganyo uo kuwa ikulondeka mweye kutenda gesa vila nie niwatendeleni mweye.

Yesu akamulongela, “Haukumanya icho hutenda haluse, mbali nachifike chipindi naumanye.”

Kweli huwalongela msank'hani si mkulu kufosa mkulu wake, wala ila atumigwe si mukulu kuhuma ila amtumile.

Elo kwa vila mkuzimanya mbuli zino, Mulungu naawatendele yadamane mkazitenda.

Ivo, akaleka kudya ndia na, akavula mwenda wake wa kunze akauika kunk'handa, akasola kitambala cha kuhangusila na akaifunga kibwebwe. Kamala akagela mazi mdibakuli, akandusa kuisunt'ha migulu ya wanahina wake na kwandusa kuwahangusa na kitambala aifungile kibwebwe.