Vinsæl biblíuvers úr TEĒ 10

Deildu

Kɔ́ɔ̄ɓē əda Moijə na kə aw̄ kə ənge Parao̰, tɔdɔ̄ na i ni Kɔ́ɔ̄ɓē n n-rāā adə̄ Parao̰ nin̄ kə ngé kəla yān gēé rāān dɔ ngan̄g ní, i yā kadə̄ n-rāań yá̰á̰ kə́ yáā gə̄ ń noō malang dɔ dáńdə́ tə́ ō, kadə̄ ə̄niń ngání gə̄ ō, ngán kaaí gə̄ ō, gotə yá̰á̰ ń n-rāā kə de kə́ Ejiptə gə̄ kem ɓē yādə́ tə́ ní ō. Loo ń noō tə́ na ā ī-gerī kadə̄ ni i Kɔ́ɔ̄ɓē.

Kɔ́ɔ̄ɓē əda Moijə na kə əla jīn kə̄ dɔɔ́ kadə̄ loo kə risə til dɔ nang kə́ Ejiptə tə́, til kə́ yā kadə̄ deē a mám̄ i loo tá a njə̄rań. Moijə əla jīn kə̄ dɔɔ́, anī loo risə til nding dɔ nang kə́ Ejiptə tə́ ndɔ̄ mətá. Kem ndɔ̄ gə̄ ń noō tə́ ní de kə́ Ejiptə gə̄ asən̄ ka̰a̰ naā alé, adə̄ deē aw̄ loo alé. Banī loo ń ngán Israel gə̄ ndin̄ tū tə́ ní tá loo kə́ tū tə́ unjə̄.

Moijə əla kāgə̄ yān kum kə̄ dɔ ɓē kə́ Ejiptə tə́, anī Kɔ́ɔ̄ɓē rāā adə̄ néĺ kə́ dūn̄ ɓē tə́ əla dɔ ɓē kə́ Ejiptə tə́ ndɔ̄ ń noō tə́ kadaá bátə́ loo tíbə ō, ndɔ̄ɔ́ bátə́ loo tīī ō. Dan ń loo tīī anī néĺ ní reē i kə yḭm̄ gēé. Yḭm̄ gə̄ tə̄ndān̄ naā tḭ̄ḭ̄n̄ kə̄ loo gə̄ tə́ malang dɔ nang kə́ Ejiptə tə́. Deē asə tə́dádə́ alé, tɔdɔ̄ nin̄ i ngá̰ý. Deē a̰a̰ yḭm̄ gə̄ kə́ asən̄ naā beé kété aĺ ō, gō yḭm̄ gə̄ ń noō tə́ ní deē a a̰a̰ kə́ rang gə̄ kə́ asən̄ naā beé aĺ ō.