Popular Bible Verses from 2 Tasalonikayi 2

Deildu

Mɔkaa yaa shɔwɔnɛ u ɗakarɛ ko-pi nyaba shɔpiya. Leeu yɛ a ɓa aruviya Uɓeyelapa Yesɔ bɛɛ anɛ setɛ shɔzɛ waanɛ i risi Ɗalapa kntitɛ, shɔlanɛm yɛ shɛrɛ, yɛ yɛkɛ wɛrɛ yaa.

N shɔbiiyi ɔ̃tɛ kaka jazɨng akɔrɔ u dɔ̃ri Ɗalapatɔ kopiɗaviya awɔ yuuni, ɔ shɔgbete Uɓeyelapa ɔriyɛ. Aruviya Ɗalapa gaa ɔkɔɔ lɔɔnɛ a nyaba Ɗa suru aru ɔ kpaa raanɛ a pɔ̃wɔrɛ ɔ ɔ̃ u shɔbii wɔsɔ-wɔsɔyi, ama awɔ nyaba sisɨn ãnɛ a vitɔ̃vɨng.

Shɔlanɛm yɛ ɔ̃ nɔpɔ̃ a ko-pi jaɗalapa shɔpiyani, ko vigbete shɔ bassiyɛni piti kpai yɛ bassiu yuu ai ɗekn, yɛ yɛrɛ u ɔ̃ a wɛrɛ Ɗa u tasiu yuu nɛnkɔ ɔ̃rɛ Ɗalapa.

Mɛnɛ Uɓeyelapa Yesɔ Kirisi au yuu a Ɗalapa u Ɓeye, shɔgbete ɔriu a ɔrinɛ gbete yisinya ɓayɛ au ɓusɨng tɔ̃vɨng shonɛ u ãu sisɨn lakinɛ, a sisɨn pɔ̃nɛni, u masɔɔbii u ãwɔ kaka kopiɗaviya ɔ pɛli vitɔ̃vɨng ɔ sha vitɔ̃vɨng.

Aruukɔ Ɗalapa sho nyaba niinɛ pɛ̃niba u pɛlivishonɛ ai tette nɔgbete i ãsisɨn a ruu nyayeenɛ.

Shɔlanɛm yɛ apɛ a japɛ̃pɛ̃ɛ̃ kaka, u pɛlivishonɛ zɔng vibiizaanɛ nyayeelinɛyi a vinɔlusinɛyini kpai. Yɛ pɛlivishonɛ a nyaba tottot u ɗaki shɔgbeteyi Ɗalapa yɛ lɛsiyɛ. I yɛ lɛsitɔ aruviya i bɛ̃ɛ̃ tɔ̃vɨng ɔrinɛtɔ, nɔgbeteyi isi kpaa raanɛyɛ.

Lanɛ ɓusinɛm u aɗɔgbete pɔ̃ shɔ, shɔ ɓɛ̃ɛ̃ Ɗalapa nya-ãsinɛ kalikali, ama shɔgbete shiri shɔ nɛ shɔ masinya ɓa a Ɗalapani ɓa, yɛ yɛ ɗekn a pɛlinɛni, setɛ Ɗalapa tuutɛ a nyabani.