Popular Bible Verses from Yakobo 3

Deildu

Lelo amano yakufuma kwiulu yena yaliba aya kusanguluka, kabili ya mutende, ya mutembo no bufuke. Elo kabili yalikwatisha uluse, yakita fye ifyabune. Tayaba na kapatulula, yaliba pa kishinka.

Ni nani pali mwebo uwa mano kabili uwakukengela? Uyo afwile ukulanga ati wa mano kabili wakukengela ku mikitile yakwe iyabune mu fintu akokita mu kuikyefya kwa mano muli fyonse ifyo akokita.

Ukuba abololoke pa kinso kyakwa Lesa, efisabo basombola abo abalinda umutende.

Pantu uko kuli umufimbila na bukaitemwe, ekuba ne kimfulunganya ne misango yonse iyabubi.

Ku lumini tulalumbanyako Shikulu kabili Tata, elo kabili tula lapishishako abantu banensu ebo Lesa abumba mu kyata kyakwe. Mu kanwa kamo kene mulafuma ukutasha no kulapisha. Bawesu ifi tefyo kifwile ukuba.

Ulumini nalo lwaliba kubati mulilo. Pa filundwa fya mibili yesu, ulumini lwaliba kubati kyalo ikyaisulamo ububi bonse, lulasalanganya ububi mu mubili onse. Lulabyala umulilo mu bumi bwesu bonse ubwa pano kyalo kabili lwena lulafumya uyu mulilo ku mulilo ku gehena.

Lelo takungaba uwinganasha ulumini. Lwena taluupema pa bubi, lwalisulamo no busungu ubwipaya.

Mwe bawesu, pali mwebo peba bakafundisha abengi, pantu fwebo fwe bakafundisha, tukapingulwa ukukishamo.