Popular Bible Verses from 2 Tesalonika 2

Deildu

Mwileka umuntu nolo umo amibepe na panini. Ubushiku bulya tabwakafike mpaka ulo ukusangukila Lesa ukwakintu bwingi kukakitika, no mubi uwakulobelela akasokoloka.

Lelo fwebo lonse fye tulatasha Lesa pali mwebo mwe bawesu, mwebo Shikulu atemwa. Pantu ni mwebo Lesa asalile ukuba abakutampa mukupusuka. Alimiwemye ukuba abantu bamushilo ku maka yakwa mupashi, na pali ikyo mwalisumina mu kishinka.

Akaisansabalika ukukila pali fyonse ifikutwa umulungu nangu pali fyonse efyo abantu bapepa. Akengila mwitempele lyakwa Lesa akalande ati ni nebo Lesa.

Shikulu Yesu Klistu umwine na Lesa Shifwe uwatutemwa, na ku kikuuku kyakwe alatupeela ikikoseleshi kya pe ne subilo ilyamaka, alekukoselesha imitima yenu no kumikosha pakwebati mulekubomba no kulanda ifya bune fyonse.

Ekyo Lesa akabatumina amaka yakubafulunganya, ayakubalenga ukusumina ifyabufi.

Uyu mpula mafunde ulo akesa, akakwata maka yakwa Satana. Akalakita ifishibilo, ifipeshamano ne fingelengwe ifya misango yonse iyabufi. Akabomfya imisango iyakulekana lekana pakubepa abakaloba. Bakaloba, pantu balikeene ukupokelela ikishinka no kukitemwa pakwebati bapusuke.

Kwena inkaama yakwa mpula mafunde ilabomba na kale. Lelo efyo nandile ati fikakitika, teti fikitwe kano Lesa akafumyepo uulesha ifi fintu ukukitika.