Popular Bible Verses from oMak 9

Deildu

Oyesu ka da nu mo, <<Ojiya ni omo owoni oya gege?> Ojoji ya le kwee da ase ni yo otuse ni.>>

Ebebeni ada ko oyi mani kamo, <<Nyyo otuse, otuse hin pa nwa lo, fu manu da ami!>>

Ishini Oyesu gi ipwole ni, awogboso ga ta anu fufunu kweyi do oka mo, <<Ojiya ni aha gege ko ngmo omaku bibi shi ikpiye ko oyi oni lo?>> Oka da awa mo, <<Edo ko omaku bibi mani ba bose kin lo, si inarigwu kpo kwo okwunu.>>

<<Onwa shoshi, owoni onye ko onwa ke nyeba, oki ya wo onwa ke? Ala wo onwa la, ala gbo otu mene kpi iyi kala.>>

<<Kpiri kase ni yo oye ipu ka ayi leke mani omaba ipu ki iye hin, ami pini oyumo omaba oma, kweyi kpiri kase ni yumo omaba, ami pini oyumo omaba lalo ke wa ase ni tumoleho ni.>>

Nyya kadala okwokwoshi, kpiri kase ni da ala abwa ki inyo ipu ki iye hin koni ala wa ko Okristi ni abola ya nyo lo.

<<Kweyi kpiri kase ni yo oye ipu ka ayi leke mani ni kyogwu kpa ami ni yo ozalabi, oya shoshi she danu oni shini ana ye ego nyakwu gbo bo oko kweyi yo ta gi ishu nyakwu.

Kweyi owoni iyi wo ya yo ya yo ozalabi, yi ngma tonu. Oya shoshi she shini ogo obula ko Owuso kpi iyi oye ya sho oni oya gbi iyi epa kweyi ayo ta go ole ko ola