Popular Bible Verses from Neiham 3

Deildu

(Profet) !Sore tumas long yufala, olketa pipol blong Nineve! Nem long taon blong yufala nao hemi “Taon blong Blad”, bikos oltaem yufala kilim pipol dae. Yufala pipol fo laea, an evri ples blong yufala hemi fulap long olketa gudfala samting wea yufala bin tekem from olketa narafala pipol long faet. Oltaem yufala gohed fo spoelem olketa narafala pipol.

Yu olsem wanfala man wea hemi garekil fogud, an no eni meresin save kiurim. Olketa soa blong yu bae hemi kilim yu dae. An evriwan hu hemi herem nius ya bae hemi hapi tumas, an bae hemi klapem han blong hem. Evri pipol nao i hapi tumas long dae blong yu, bikos yu bin gohed fo mekem evriwan safa tumas.

Evriwan hu i lukim yufala, bae i seke fogud an ranawe. Bae olketa tok olsem, ‘!Nineve hemi kamap barava nogud nao! ?Hu nao bae hemi krae fo hem?’ !No eniwan nao hemi filsore long hem!”