Popular Bible Verses from Jon 19

Deildu

Taem Jisas hemi dringim waen ya finis, hemi tok olsem nao, “Mi finisim waka ya nao.” An Jisas hemi benem daon hed blong hem nomoa, an hemi dae nao.

Bihaen long diswan, taem Jisas hemi save dat hemi finisim evri waka blong hem, hemi sei long olketa nao, “!Mi laek fo dring tumas ya!” Hemi talem diswan, mekem wanem Buktambu hemi talem hemi kamtru nao.

Jisas hemi lukim dat mami blong hem an disfala disaepol blong hem wea hemi lavem hem tumas ya, tufala stanap long ples, so hemi sei long mami blong hem nao, “Woman, disfala man ya hemi san blong yu.” Bihaen, hemi tok olsem moa long disfala disaepol ya, “Disfala woman ya hemi mami blong yu.” Stat long taem ya, disfala disaepol ya hemi tekem mami blong Jisas go long haos blong hem an hemi lukaftarem hem nao.

Bat taem olketa kam fo duim semsamting long Jisas, olketa lukim dat hemi dae finis. So olketa no brekem lek blong hem nao. Bat wanfala long olketa soldia ya, hemi pusum go wanfala spia long saet long bele blong Jisas, an long semtaem nomoa blad an wata ran kamaot long hem nao.

Olketa samting ya i hapen olsem, mekem wanem Buktambu hemi talem hemi kamtru, wea hemi sei, “No eni bon blong hem bae olketa brekem.” An long narafala ples long Buktambu moa hemi tok olsem, “Bae olketa pipol i lukluk go long disfala man wea olketa pusum spia go insaet long bodi blong hem.”

Long taem ya, Jisas hemi karim kros blong hem seleva, an hemi go long wanfala ples wea olketa kolem “Bon blong hed blong man,” an long langguis long Hibru olketa kolem “Golgota.”

An olketa soldia i mekem wanfala kraon long wankaen rop wea hemi garem plande nila long hem, an olketa putum antap long hed blong Jisas. An olketa mekem hem fo werem wanfala longfala red kaleko.