Popular Bible Verses from Jenesis 21

Deildu

Nao God hemi blesim Sera olsem wea hemi bin promisim.

God hemi herem dat boe ya hemi gohed fo krae, nao enjel blong hem long heven hemi tok kam long Haga olsem, “?Haga, waswe nao maen blong yu hemi trabol olsem? !Yu no wari tumas! God hemi herem finis krae blong boe blong yu. Yu stanap. Yu go liftimapem hem mekem hemi no krae. Bae mi mekem fo olketa pikinini wea bae i bon kam long laen blong hem, olketa kamap plande tumas, an kamap wanfala strongfala laen.”

Ebraham an Sera, i gohed fo slip tugeta, nao Sera hemi babule, an hemi bonem wanfala pikinini boe blong tufala. Long taem ya, Ebraham hemi barava olo fogud nao. Sera hemi bonem pikinini ya, long barava taem wea God hemi promisim finis fo hemi bon kam

Nao Sera hemi tok olsem, “God hemi mekem mi hapi, an hemi mekem mi laf. An evriwan wea olketa herem nius abaotem samting ya, bae olketa hapi wetem mi, an olketa laf tu.”

Bat God hemi tok olsem long hem, “Yu no wari tumas long slev woman ya wetem pikinini blong hem. Yu duim wanem Sera hemi talem yu, bikos mi bin promisim yu dat bae yu garem plande pikinini wea bae olketa bon kam long laen blong yu, an barava laen blong yu bae hemi kamaot long laen blong Aesak nomoa.

Bat bae mi mekem plande pikinini tu i bon kam long laen blong Ismael, wea bae olketa kamap plande tumas, an olketa kamap wanfala strongfala laen, bikos hem tu hemi pikinini blong yu.”