Popular Bible Verses from Eksodas 5

Deildu

Mosis an Eron i go fo lukim king blong Ijip, an tufala tok long hem olsem, “Yawe hu hemi God blong Israel, hemi tok olsem, ‘!Letem pipol blong mi fo goaot from kantri ya, mekem olketa save mekem fist long mi long drae eria!’ ”

Stat long taem wea mi go long king an talemaot olketa toktok blong yu long hem, ka-kam kasem distaem, king hemi gohed fo mekem olketa ya barava safa tumas nao. !An yu nating duim enisamting fo sevem olketa!”

So Mosis hemi gobaek long Yawe an hemi tok moa olsem, “!O Masta! ?Waswe nao yu letem bikfala trabol tumas olsem fo kasem olketa pipol blong yu? ?Waswe, yu sendem mi kam long disfala ples fo tekem kam trabol ya?

Bat king ya hemi tok olsem, “?Hu nao Yawe? ?Waswe nao mi mas obeim hem an letem olketa blong Israel i go? !Mi nating save long Yawe! !Mi no save letem yufala go!”

An yufala mas talemgud long olketa, wea olketa mas mekem sem namba long brik olsem wea olketa bin gohed fo mekem bifoa. !Olketa mas no sot long namba blong brik! !Olketa pipol ya i les tumas! Dastawe nao olketa gohed fo kraeaot long mi olsem, ‘Plis yu letem mifala fo go mekem sakrifaes long God blong mifala.’ Yufala mas fosim olketa ya fo waka had moa. Sapos olsem, bae olketa gohed fo waka an no save lisin long olketa laea blong Mosis.”