Popular Bible Verses from Kênh Kaar 2

Deildu

Phi-e-rơ ơh: “Phrui teq lơi dôih, jôm bnih phrui tơmoh chhak Brah Jê-sus Krist pơih bap-tem jah kươt krôih dôih nơơm, ja nei a kươi dơơp griêng tkôm laa Brah Wêêng.

Bơl jơrnơ chmlam prap baak kne bơl jơt jơng ri, ta luum n'hai oh bi, ryơơng pak nom, u baak r'bon dan.

Jôm bôôk kot kươt bêêng bơm Brah Wêêng, ptơơm mor pal til lah nday, tênh bei Brah Wêêng aan bu mor.

A drot, geh baak lơ a trôôk bei nggôôr chaal pơk ttih đat, bêêng rlum nhi bơl jơrnơ gôq. Bơl jơrnơ sau pal lpiat bei lpiat ôinh lôh sot, pơrgah sot u bat lơ jôm bnih knông bu. Jôm bôôk kot kươt bêêng bơm Brah Wêêng, ptơơm mor pal til lah nday, tênh bei Brah Wêêng aan bu mor.

Nar êch bu kot chmlam lôh nhi r'bưn; n'hai a nhi au tơt nhi nday, bu pak nom u sôông sa pôl n'hai chưt broh s'bai, ngan kaar, pơt wơơl Brah Ưn u kươt 'bun bôôk mat jôm bnih. Rêêng nar, Brah top nak bnih kươt đoh mưt u phung.

‘Brah Ưn lah: Knông pal nar ptut, Hei a kươi khut Brah Wêêng Hei lơ jôm pêêk pai; Koon klau u koon ur bơl 'bei a kươi mor grnưt noor, Dơlu a kươi sau tơrsau noor, U bnih raanh a kươi sau a mbơơi.

Leq sêch jơrnơ kot srinh kươi tơrnang nơơm u pơih jôm griêng lơh griêng pôl. Bu tach leq griêng mlơ, griêng grau nơơm geh baah tacheq ta n'hai tênh ntil rn'êch jôm bnih ri.

U 'bơơn r'bon dan saak Brah nei a kươi kươt đoh.’

Mat nar a kươi but mang jơ ngôw, Mat khay a kươi but sot mhaam, Di mat nar ttih đat u chring chraang Brah ri lôh.