Popular Bible Verses from லூக்கா 23

Deildu

அப்போது இயேசு, “பிதாவே, இவர்களை மன்னிப்பீராக! தாங்கள் செய்வது எதுவென்று அறியாதிருக்கிறார்களே” என்றார். அவர்களோ, அவருடைய ஆடைகளைச் சீட்டுக்குலுக்கிப் போட்டு, பங்கிட்டுக் கொண்டார்கள்.

அதற்கு இயேசு, “நான் உனக்கு உண்மையைச் சொல்கின்றேன், இன்றைய தினமே நீ என்னுடன்கூட பரதீசில் இருப்பாய்” என்றார்.

பின்பு அவன், இயேசுவிடம், “இயேசுவே, உமது இராச்சியத்தில் நீர் வரும்போது, என்னையும் நினைவில் வைத்துக்கொள்வீராக!” என்றான்.

இயேசு உரத்த குரலில், “பிதாவே, உமது கைகளில் என் ஆவியை ஒப்புக் கொடுக்கின்றேன்” என்று சத்தமிட்டு அழைத்தார். இதைச் சொல்லிவிட்டு, அவர் தமது இறுதி மூச்சை விட்டார்.

அவர்கள் மண்டையோடு எனப்பட்ட இடத்துக்கு வந்தபோது, அங்கே இயேசுவைச் சிலுவையில் அறைந்தார்கள். அந்தக் குற்றவாளிகளில், ஒருவனை அவருடைய வலதுபக்கத்திலும், மற்றவனை அவருடைய இடதுபக்கத்திலுமாக சிலுவைகளில் அறைந்தார்கள்.

அப்போது நடுப்பகல் வேளையாயிருந்தது, பிற்பகல் மூன்று மணி வரை பூமி முழுவதையும் இருள் மூடியிருந்தது. சூரியன் ஒளி கொடுக்கவில்லை. ஆலயத்தின் திரைச்சீலை இரண்டாகக் கிழிந்தது.

நூற்றுக்குத் தளபதி நடந்தவற்றையெல்லாம் கண்டு, “நிச்சயமாகவே, இவர் நிரபராதியான நீதிமான்” என்று இறைவனை மகிமைப்படுத்தினான்.