Popular Bible Verses from Romiól 3

Deildu

kiyólla-hoilé beggúne toh guná goijjé, aar Allar mohíma ttu maárum óigiyoi. Montor Mosih Isár bútore asé de azadir usílaye Alla ye beggún ore Nizor rahámot or hádiya ísafe forhésgar bóuli kobul goré.

Rasta híyan óilde, zetará Isá Mosihr uore iman ané ítara beggún ore nizor-nizor imane Alla ye forhésgar bóuli kobul goré; rasta híyan ot Yohúdi edde Beyohúdi honó forók nái

Alla ye Íba re Nizor lou báca báy endilla koffara ísafe peec goijjé ziyán or uore iman aníle gunár maf faa zah. Híyan lói Alla ye daháiye de, Íba oñtté yó Insáfwala accíl zeñtté insáne goijjíl de gunár sáñza no di Íba ye cóoi-cóoi accíl. Héndilla gorí Íba ye e októt sábut goijjé de ki, Íba insáfwala, aar zee niki Isár uore iman ané ítare Íba ye forhésgar bóuli kobul goré.

kiyólla-hoilé Córiyot amól gorí honó insán Íbar nozor ot forhésgar no ṭóoribo, kiyólla-hoilé Córiyot or duara toh gunár zankari éna aiyé.

Zendilla pak-kalam ot asé, “Forhésgar honókiye nái, ekzon úddwa nái; buz ola kiyé nái, honókiye Allar talac no goré. Beggún manúc sóiyi ttu lorigiyói, beggún ekku fúañti bigiṛigiyoi; gom ham goré de honókiye nái, ekzon úddwa nái.”

Hétolla añára dóri de ki, manúc forhésgar ṭóore de nizor imane, Córiyot or amóle no.

Bilkúl no! Bólke fottí manúc misá ṭóorile yo, Alla sóiyi ṭóorar zorur, zendilla pak-kalam ot asé, “Tuáñr hotá ye sábut goré de, Tuñí hámica sóiyi táko, aar Tuáñre elzam laga zah de októt Tuñí ziti aiyó.”