Popular Bible Verses from Ubwandilo 24

Deildu

Po akiputa akati, “Wee MWENE, u Chala uwa mwene wane u Abulahamu, nkukulaba ukuti ivintu vinyendele akiza ilelo, nukubomba zizyo ukamulayizya u mwene wane.

Nkwiza pakumubuzya umulindu weka ukuti, ‘Nalamba tula isonta yako ukuti ing'weleko amizi.’ Po nanti umulindu yula anyitikizya ukuti, ‘Ng'wela, sona nkwiza pakuzing'wesya ni ngamila zyako bulo,’ abanje mulindu yuyo wamusalila uwambombo wako u Yisaki. Nanti zingabombiwa bunubu, nkwiza pakumanya ukuti wabomba naloli zizyo ukamulayizya u mwene wane.”

Po u Yisaki akamwinjizya u Labeka muchisakasa mumo unyina akikalaghamo kale pakuba muchi wache. U Yisaki akamughana nkani u Labeka, umwakuti akabuluvyako nu bufwe ubwa nyina.

Bakamusaya u Labeka ukuti, “Wee muyemba witu, u Chala akusaye ukuti ubanje we nyina uwa bantu amasabuzani na masabuzani. Abaluko lwako babapotaye abalwani babo.”

Lapa pamaso pa MWENE, u Chala uwakumwanya ni chisu chosi ichapasi ukuti utakwiza pakumusendela umwana wane umulindu uwa muchisu icha Kenani, mumo ane nkwikala. Bukagha kuchisu chane na ku bakamu bane nukumusendela umwana wane u Yisaki umukolo.”