Popular Bible Verses from 1ቆሮንቶሴ ኣሳስ 12

Deildu

ጊዶ ኣቲን ጺሎ ኣያና ቆንጪሶ ኢሞታይ ኢሳዴስ ኢሜቲዛይ ኢሲፌ ጎኤታናሳ።

ሂስቲኮ ኢንቴ ዉሪካ ኪርስቶሳ ኣሳቴ፤ ኢንቴ ኢሶይ ኢሶይ ኢዛ ኣሳቴ ቢሊቴታ።

ኢሲ ቢሊቴይ ሳኬቲኮ ሃንኮ ቢሊቴቲ ዉሪካ ኢዛራ ኢሲፌ ሳኬቴቴስ፤ ኢሲ ቢሊቴይ ቦንቼቲኮ ቢሊቴቲ ዉሪካ ኢሲፌ ኡፋዬቴቴስ።

ኢሳዴስ ሂላን ሃሳያና ኤራቴ ኢሜቴስ፤ ሃራ ኣሳስ ቃሴ ሄ ኣያናንካ ኤራቴ ቃላን ሃሳያና ቃላይ ኢሜቴስ። ኢሳዴስ ሄ ኣያናን ኣማኖይ ኢሜቴስ፤ ሃራ ኣሳስ ቃሴ ሄ ኣያናንካ ሃርጊዛይታ ፓዛ ኢሞታይ ኢሜቴስ። ኢሳዴስ ማላሊሲዛ ኦሶ ኦዛ ኢሞታይ፥ ሃራ ኣሳስ ቲንቢቴ ቃላ ሃሳያ ኢሞታይ፥ ሃራ ኣሳስ ቃሴካ ኣያናታ ሻኪ ኤሮይ፥ ሃራ ኣሳስ ዱማ ዱማ ቃላን ሃሳያይ፥ ቃሴካ ሃራ ኣሳስ ሃራ ዱማ ዱማ ቃላን ሃሳዬቲዳይሳ ቢርሻና ኢሞታይ ኢሜቴስ።

ሄይቲ ዉሪካ ሄ ኢሲ ኣያናይ ኢሚዛ ኢሞታ ጊዲሺን ኢሲ ኢሲ ኣሳስ ባ ኮዪዳ ማላ ኢሜስ።

ኢዚ ሄሳ ኦዳይ ኣሳቴ ቢሊቴታ ጋርሳን ሻኬቴ ዶንታ ኢስቲ ባ ጋርሳን ኢሶይ ኢሳ ባናራ ጊና ጊ ቆፓናሳ።

ኣሳስ ኢሞቴ ዱማ ዱማ ጊዲሺን ኣያናይ ጊዲኮ ኢሲኖ። ኦሶይካ ዱማ ዱማ ጊዲሺን ጎዳይ ጊዲኮ ኢሲኖ። ዱማ ዱማ ኦሶ ኦጌቲ ዲኮካ ዉርሲካ ኦዛይ ኢሲ ጾሳ።

ጾሲ ዎሳ ኬ ጊዶን ኮይሮ ሃዋሬታ፥ ናምኣን ቃሴ ናቤታ፥ ሄን ኣስታማሬታ፥ ካሌዲ ማላታ ኦዛይታ፥ ፓዛ ኢሞቴ ዲዛይታ፥ ሃራታካ ኣስ ማዲዛ ኢሞታይ ዲዛይታ፥ ዴሬ ኣይሶ ኤራቴ ዲዛይታኔ ዱማ ዱማ ቃላ ሃሳያና ኢሞቴ ዲዛ ኣሳታ ዎዴስ።

ኣሳቴ ሜቲዳይ ዳሮ ቢሊቴታፔ ኣቲን ኢሲ ቢሊቴፌ ጻላላ ጊዴና።

ሃራይ ኣቶሺን ኡባፌ ላፋ ሚሳቲዛ ቢሊቴቲ ዳሮ ኮሺዛይታ።

ኣሳቴ ዉሪካ ኣይፌ ጻላ ጊዲዳኮ ኣዛን ሲያኔ? ኣሳቴ ዉሪካ ሃይ ጻላ ጊዲዳኮ ኣዛን ሲንጋኔ? ጊዶ ኣቲን ጾሲ ኢሳ ኢሳ ባ ኮዪዳ ማላ ኣሳቴ ጊዶን ዳናስ ቤሲዛሶን ዎዴስ። ቢሊቴይ ዉሪካ ኢሲኖ ጊዲዳኮ ኩሜ ኣሳቴ ኣዋፔ ቤታኔ?