Popular Bible Verses from Матфей 21

Deildu

Божи-имангун нужеца дугӀадулъ гьаранщинаб щвезе буго нужее.

ГӀисаца гьезда абуна: – ХӀакълъун абулеб буго дица нужеда: нужер рекӀелъ божи-иман бугони ва рекӀелъе щаклъи лъугьине течӀони, доб гъотӀода гуребги, гьаб мегӀералдаги нужеца абуни, гьаниса бахъун ун ралъдалъе кӀанцӀеян, мегӀер нужее мутӀигӀлъизе буго.

Гьесда цебе-цебе унеб халкъалъул руккелалъги хадур рачӀунез туркиги ахӀулеб букӀана: – Гьошанна! Давудил васасе рецц! БетӀергьанас витӀун вачӀунев вугесда баркат лъеги! Гьошанна! ТӀадегӀанав Аллагьасе рецц!

ГӀисаца гьезда абуна: – ТӀехьалда хъван буго: «Гьаб Дир рукъалда цӀар букӀине буго как-диналъул рукъ», – абун. Нужецайин абуни гьаб «хъачагъазул нохъоялде сверизабун буго».

«Сионил ясалда абе нужеца: Дур хӀалимав ПарччахӀ вачӀунев вугин Гьир баччун ругьунаб хӀамида рекӀун, ХӀамица гьабураб кӀартида рекӀун!»

ГӀисаца гьезда абуна: – ТӀехьалда цӀаличӀищ нужеца: «Къадалъ лъезецин ярагьунарилан къадахъабаз нахъе рехараб гамачӀ битӀахъе цололъ лъун буго. Гьединаб букӀун буго БетӀергьанасул хӀукму. Нилъер берда цебе лъугьараб кӀудияб мугӀжизат буго гьеб!»

Гьале дица нужеда абулеб буго: нужехъа бахъун Аллагьасул ПарччахӀлъи кьела гьелъул пихъ барщизабулеб халкъалъе.