Popular Bible Verses from Лука 8

Deildu

ЛъикӀаб ракьалде рортарал мугьал – гьел руго Аллагьасул рагӀи рагӀидал, хӀеренаб-хӀалимаб рекӀелъ гьеб цӀунулел ва гьеб сабру сабаблъун жидее бачӀинги щолел гӀадамал.

Заз-хъарахъалде гъорлъе рортарал мугьал – гьел руго Аллагьасул рагӀухъ гӀенеккулелал, – амма къокъун унеб бугеб гӀумруялъул тӀалаб-агъазалъ ва бечелъиялдаги тӀагӀам-лазаталдаги хадур хачадиялъ гьел гъоркькъинарула, гьезда тӀорги цӀубаларо.

Ракьул хъал гурони тӀад гьечӀеб тӀалде рортарал мугьал – гьел руго Аллагьасул рагӀи рохун къабул гьабуниги, дагьабго заманаялъ гурони гьелда божуларелал, – жидер кьалбал щулиял гьечӀелъул, хӀалбихьулел къоял тӀаде гӀунтӀидал, жал ратӀалъунги чӀолел.

Гьебмехалъ ГӀисаца абуна: – Киб бугеб нужер божи-иман? ХӀинкъиялъ гӀажаиблъун хутӀарал гьез цоцазде ургъел бикьулеб букӀана, гьороеги карачалабазеги амру гьабулев ва гьелги жиндие мутӀигӀав гьавго кинав чийилан.

Нухде рортарал хьодул мугьал – гьел руго Аллагьасул рагӀухъ гӀенеккулел гӀадамал, цинги бачӀун илбисалъ гьезул рекӀелъа гьеб босун уна, гьел божунгутӀизе ва хвасарлъунгутӀизе.

Кинабго бахчарабщинабги тӀатунелъул, балъгоябщинабги къватӀибе загьирлъулелъул.

Жиндир иш балъго хутӀичӀеблъи лъан, дой чӀужугӀадан сородилаго ГӀисада аскӀое ячӀана, гьесда цее кӀалагъоркье речӀчӀун, бицана щай жинца гьесда квер хъварабали ва кин жий гьебсагӀат сахлъараялиги. Гьес гьелда абуна: – Дурго божи-иманалъ хвасар гьаюна, яц, мун. Гьанже а дурго!

АскӀоре ун, гьез ГӀиса ворчӀизавуна: – Я, НасихӀатчи! НасихӀатчи! Нилъ гъанкъизехъин руго! – ян абун. Макьидаса вигьун, гьес гьорода лъазабуна тӀокӀаб пугейилан, лъадаеги амру гьабуна гьалаглъугейилан. Гьел мутӀигӀлъана. СихӀ къотӀун лъугьана.