Popular Bible Verses from Улон-вылон 6

Deildu

жаляз Кузё-Инмар, ӧкынӥз, музъем вылэ адямиез кылдытӥ шуыса, Солэн сюлмыз ӝоже усиз.

[Инмар] Кузё-Инмар адӟиз: музъем вылысь адямиос пӧлын азыса-сӧриськыса улон туж алямын вал, соослэн вань малпанъёссы, мылкыдзы лек ужъёс лэсьтон борды ялан кыстӥськиз

Нош Ной [Инмар] Кузё-Инмар дорысь дэлет басьтӥз.

Тани Нойлэн улон-вылон сюресэз: Ной ас вакытаз вань адямиос пӧлысь шонерлыко, дун-шектэм улӥсь мурт вал; Ной Инмар азьтӥ ветлӥз.

Соку Кузё-Инмар шуиз: «Музъем вылысь Аслэсьтым кылдытэм адямиосме быдто, адямиосын ӵош пудоосты но, нюж кыстӥськыса ветлӥсьёсты но, ин тылобурдоосты но быдто, жалясько-ӧкынӥсько, соосты кылдытӥ шуыса».

Музъем вылэ адямиос йылыны кутскем бере соослэн нылъёссы вордӥськизы, соку Инмар пиос адямиослэсь нылъёссэс адӟизы, соослы соос чебересь потӥзы но бырйыса соосты асьсэлы кышнолы басьтылыны кутскизы. [Инмар] Кузё-Инмар шуиз: «Пумтэм вапумъёс ӵоже [та] адямиос Мынэсьтым Духме кулэтэм карыса медаз улэ, уго соос лулмугор гинэ; соослэн улоно нуналзы сю кызь ар мед луоз». Со виын туж ӝужыт-таза муртъёс музъем вылын уло вал, уката ик Инмар пиос адями нылъёс доры пыраны кутскем бере, соослы нылпи вайылыны кутскем бере; та кужмоесь, валляна дырысен дано адямиос вал.

Ной ваньзэ лэсьтӥз, кызьы Инмар [Кузё-Инмар] сое косӥз, озьы ик со лэсьтӥз.

Инмар [Кузё-Инмар] Нойлы шуиз: «Вань адямиослэн быронзы Мынам азям вуиз, музъемвыл соослэн сьӧсь ужъёсынызы пачылмиз. Тани табере Мон соосты музъем вылысь быдто.

Аслыд гофер пулэсь пыж (ковчег) лэсьты; висъетъёс отчы лэсьты; кыр ласянь но, пуш ласянь но сое юрсирен зыра.

Инмар [Кузё-Инмар] музъем шоры учкиз но адӟиз: со сьӧлыкъёсын сисьмемын, уго вань лулмугор музъем вылын ас сюрессэ саптаз.

Пыжад озьы ик пырты [вань пудоос, вань нюж кыстӥськыса ветлӥсьёс пӧлысь,] вань улэп, вань луло макеос пӧлысь – ваньзэ кузэн-кузэн пырты, тонэн огазьын соос улэп мед кылёзы, – айыё-мумыё соос мед луозы.