Popular Bible Verses from Улон-вылон 1

Deildu

Инмар шуиз: «Асьмелэн тусбуймылы, Асьмелы укшась адямиез кылдытомы; зарезь чорыгъёсын, ин тылобурдоосын, [пӧйшуръёсын,] пудо-животэн, быдэс музъемен, вань нюж, гыж кыстӥськыса ветлӥсьёсын адями кузёяськыса мед улоз». Инмар адямиез Аслыз укшатыса кылдытӥз, Инмарлы укшатыса сое кылдытӥз; пиосмуртэн кышномуртэз кылдытӥз.

Инмар соосты бакель карыса шуиз: «Йылэ, трос луэ, музъемез тырмытэ, сое киулады кутэ; зарезь чорыгъёсын, [пӧйшуръёсын,] ин тылобурдоосын, [котькыӵе пудо-животэн, быдэс музъем вылэн,] вань нюж кыстӥськыса ветлӥсьёсын кузёяськыса улэ».

Кутсконаз ик Инмар инмез но музъемез кылдытӥз.

Музъем вылтустэм, тырттэм вал, пыдэстэм ву дунне вылын тём-тём пеймыт улӥз. Инмарлэн Духез вулэн йылтӥз поръяса ветлӥз.

Соку Инмар шуиз: «Югыт мед луоз». Югыт луиз.

Инмар адӟиз, Солэн Аслаз вань кылдытэмез, туж умой луэ шуыса. Ӝыт вал, ӵукна вал: куатетӥ нунал.

Югытлык ӟеч луэ шуыса, Инмар адӟиз; соку Инмар югытэз пеймытлэсь висъяз.

Инмар шуиз: «Тани, Мон тӥледлы музъем вылысь кидыс кизись пӧртэм пумо турынъёс сётӥ, кидысо емыш сётӥсь пӧртэм писпуос сётӥ: ваньмыз таос тӥледлы сиыны яралозы

Инмар югытэз нунал шуыса нимаз, нош пеймытэз – уй. Ӝыт вал, ӵукна вал: одӥг нунал.

Инмар шуиз: «Ву шорын юн-чурыт инты мед луоз, со вуэз вулэсь мед висъялоз». [Тазьы ик луиз.]

нош вань луд пӧйшуръёслы, вань ин тылобурдоослы, музъем вылтӥ нюж ветлӥсьёслы – вань улэп макеослы вож турын-куарез сиёнлы сётӥ». Тазьы ик луиз.

Инмар шуиз: «[Музъемез югдытон понна,] нуналэз уйлэсь висъян понна, паймымон тодметъёс мед луозы шуыса, вапумъёсты, нуналъёсты, аръёсты тодман понна инлэн юн-чурыт интыяз югыт сётӥсь макеос мед луозы

Инмар шуиз: «Музъем [ас выжыезлы, аслыз укшась] вож узьым, кидыс кизись турын мед будэтоз, музъем вылысь ас выжыезлы укшась кидысо емыш сётӥсь писпу мед будэтоз». Тазьы ик луиз.

Инмар юн-чурыт интыез кылдытӥз: юн-чурыт инты улысь вуэз юн-чурыт инты вылысь вулэсь (ог-огзылэсь) висъяз. Тазьы луиз.

Музъем вож узьым будэтӥз, ас выжыезлы, [аслыз укшась] кидыс кизись турын, ас выжыезлы укшась кидысо емыш сётӥсь писпу будэтӥз. Инмар адӟиз, та умой шуыса.

Инмар кык туж бадӟымесь югдытӥсь макеосты кылдытӥз: бадӟымезгес югдытӥсь макеез нуналэн кивалтон понна, пичизэгес югдытӥсь макеез – уен кивалтон понна; кизилиосты кылдытӥз

Инмар шуиз: «Ин улысь ву одӥг интые мед люкаськоз, сюйвыл мед потоз». Тазьы ик луиз. [Ин улысь ву ас интыосаз люкаськиз но, сюйвыл потӥз.] Инмар сюйвылэз музъем шуыса нимаз, нош вуослэсь огазе люкаськонзэс зарезь шуыса нимаз. Инмар адӟиз, та умой шуыса.

Соосты Инмар, тазьы шуыса, бакель кариз: «Пиялэ, йылэ, зарезьёсысь вуосты пачылмытэ, тылобурдоос музъем вылэ мед йылозы».

Инмар шуиз: «Музъем вылэ пӧртэм пумо, асьсэ выжылы укшась улэп макеос – пудо-животъёс, нюж кыстӥськыса ветлӥсьёс, луд пӧйшуръёс – мед потозы». Тазьы ик луиз.

Инмар шуиз: «Уяса, нюж кыстӥськыса ветлӥсь улэп лулъёсын вуос мед пачылмозы; музъем вылтӥ, инметӥ тылобурдоос мед лобалозы». [Озьы ик луиз].

Инмар кылдытӥз пӧртэм пумо луд пӧйшуръёсты, пудо-животъёсты, музъем вылтӥ нюж кыстӥськыса ветлӥсьёсты, асьсэ выжылы укшасесь карыса. Инмар адӟиз, та умой шуыса.