Popular Bible Verses from Лк 14

Deildu

«Кӱ Мӹнь докем толеш, но ӓтяжӹм, ӓвӓжӹм, вӓтӹжӹм, тетявлӓжӹм, шӱмбелвлӓжӹм, ӓкӓ-шыжарвлӓжӹм, ӹшке ӹлӹмӓшӹжӹмӓт ужын керддӹмӹ ак ли гӹнь, тӹдӹ Мӹньӹн тыменьшем лин ак керд.

Кӱ ӹшке крестӹжӹм ак намал дӓ паштекем ак ке, тӹдӹ Мӹньӹн тыменьшем лин ак керд.

Ӹшкӹмжӹм кӱшкӹ шӹндӹшӹ лапемдӹмӹ лиэш, а ӹшкӹмжӹм лапемдӹшӹ лӱктӓлтеш».

Тӓ дондаат тенгеок: кӱ ма улыжы гӹц ак каранг гӹнь, Мӹньӹн тыменьшем лин ак керд.

Тӓ логӹцдӓ кӱ башньым ӹштӹнежӹ гӹнь, маняр келмӹм дӓ ӹштен пӹтӓрӓш окса ситӹшӓшӹм шотлаш пӹтӓри ак шӹц ма? Негӹцӹм пиштӹмӹкӹ, башньым ӹштен пӹтӓрен ак керд гӹнь, тидӹм ужшывлӓ цилӓн тӹдӹм ваштылаш дӓ попаш тӹнгӓлӹт: ”Ти эдем чангаш тӹнгӓлӹн, а пӹтӓрен кердде”.

Празныкым ӹштӹмет годым незервлӓм, пел яланвлӓм, акшаквлӓм, слӧпӧйвлӓм ӱж, тӹнӓм тӹнь пуры цӓшӓн лиӓт: нӹнӹ тӹлӓт нимат пӧртӹлтен ак кердеп. Тӹлӓт тӧр ӹштӹшӹвлӓн ӹлӹж кӹньӹлмӹ годым тӱлӓлтеш».

Санзал – яжо, но тӹдӹ санзалан лиӓш цӓрнӓ гӹнь, кыце тӹдӹм угӹц санзаланым ӹштӓш? Техень санзал мӱлӓндӹшкӓт, намозышкат пиштӓш ак яры, тӹдӹм шуэн колтат. Кӱн пӹлӹшӹжӹ колышташ улы, колжы!»