Popular Bible Verses from Yowane 14

Deildu

“Mmusigîre omurhûla, mmuhîre omurhûla gwâni”. “Ci ntammuhîrigwo kulyâla igulu liguhâna”. “Muhire omurhima omu nda, murhanayôbohaga”.

Yezu amushuza, erhi: «Nie Njira, nie n’Okuli, nie na Buzîne. “Ntâye wankajà emwa Larha arhanangeziriho”.

«Omurhima gwinyu gurhakangukaga! Muyêmîre Nnâmahanga, mu­nyêmêre nâni.

“Ci Omurhulirizi, Mûka Mutagatîfu, Larha ârhuma oku izîno lyâni, ye wayish’immuyigîriza byoshi anammukengêze ebinammubwîzire byoshi.

«Omanyire amarhegeko gâni akanagashimba, oyo ye onzigira, na ngasi onzigira, ayish’izigirwa na Larha, nâni namuzigira nanciyêrekeye».

Nâni nayîsh’ishenga Larha ammuhè owundi murhulirizi wabêra ninyu ensiku zoshi. Ye Mûka gw’okuli, n’igulu lirhankahash’imuyankirira, bulya lirhamubona lirhanamuyishi. Mwêhe mumuyishi, bulya ali haguma ninyu anammulimwo.

Na ngasi kantu mwâhûne Larha oku izîno lyâni, nâmmujirireko, lyo Larha akuzibwa n’Omugala. Eci mwâhûne oku izîno lyâni, nâmmujirireco.

Akabà munzigira, mushimbe amarhegeko gâni.

Omu mwa Larha mubà ntebe nyinji. Acibâga arhàli ntyo, nali nammubwîra; nâj’immurheganyiza entebe.

Na hano mbà najir’i­mmurheganyiza entebe, naciyish’immuyanka, mmuhêke aha ndi, lyo ninyu mubêra aha ndi.

Toma amubwîra, erhi: «Yâgirwa, rhurhamanyiri ngahi wâjà. Kurhi rhwankacimanyaga enjira?»