Vinsæl biblíuvers úr Maajɨ Bɛtɔ Twamagɨɨ 2

Nǝngɔ Bitrus a sʊwa ji gɔ, “Jǝ́ yǝla jǝ́ bǝla bwɨlangkɛl jenɔ, jǝ́ nya yʊtǝm mwɛ sagsag gwam jenɔ a mʊgɔ dun Yesu Kiristii, sǝ ja kǝlǝm jem bwɨlangkɛl jenɔ. Jǝ́ nya nya lǝma Yʊwa Kwaamaɨ.

Nǝngɔ ja ya bʊʊlalɨ jinɔ a mɛlatǝm nɨ bɛtɔ twamagɔ maa jim lɛɨ, jǝ mʊrka lɛ dakini, jǝ jabka jǝjalǝnɔ lɛ dakini, jǝbɔ maatǝm keli Kwaamaɨ.

Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Tʌgo a kang, nǝngɔ ja nyʊwa kaa diil mwɛla lɛ nǝn kwaan na yʊwa a kwamaɨ, a yii mʊgɔ lɔ nɨ jǝ woi. Nǝngɔ kaam kanjǝl na ben kǝlatɨn, a gǝla a kwɨya tʌgo a dul jinɔ gǝm win wini. Ja yii ji gwam nǝn Yʊwa Kwaamaɨ. Nǝngɔ ja tǝl sʊwatǝm kɛlɔ nǝn kaam nyiyo nǝn dʌmʌni, kanga Yʊwa Kwaamaɨ a nǝ ji kwaan kiyotǝm kɛl nyiyotɨnɔ a gǝlalaɨ.

Kwangkwang jǝ yɔ lɛ a Kan Kwaaman dakini, jǝ jabka jǝjalǝnɔ lɛ dakini a lɔtɨn jinɔ gǝm, jǝ ja lɛ, jǝ nɔɔ lɛ nǝn fulotǝm nǝl jǝbɔ maatǝm lǝma nǝn kwɨtǝm kang, jǝbɔ bǝlátǝm Kwaamaɨ, nǝbɔ a jǝla nǝn ji dangǝn gwam. Kum jǝbɔ kum Tɛlalɔ sʊ jim nǝbɔ lɛ nya bʊʊtǝm lɛɨ.

“ ‘Kwaama a sʊwa gɔ, nǝn kumtɨn dɨltǝm yooligɔ, Mǝ tal tal Yʊwa mǝndɨ a dul nǝbɨɨ gwam. Bɛtɔ batǝn jenɔ jǝbɔ bɛtɔnɔɔtǝn jenɔ jǝ maa maa kuwotǝmkǝga. Bɛtɔ bayǝlǝm jenɔ kuwo kuwo dʊgam nyangnyang. Dʊʊm jenɔ dʊga dʊga dʊgamtɨn.

Nǝb nɨ a nǝ bɨlǝngkɛlɨ, gwam jinɔ ja yǝlam win a mʊgɔ mʊrkatǝm, gwam jinɔ jǝ tǝga kanjǝl jinɔ lɛ dakini. Jǝ miyo kʊla jinɔ lɛ jǝbɔ kanjǝlɔ jǝ nǝnɨ, nǝngɔ ja tǝga kemʌnɔ lɛ a kʊm jini. Nǝb nɨ mɨ nǝnɨ, ja nǝ ji kanga la jim lɛɨ.

N kwama nɨ nʊ nɨ gwam a maa keli nǝn dun Tɛlalɔɨ nya bʊʊtǝm lɛɨ.’

Jǝ yǝla yǝla nǝn nu kwamagɔ a yǝlam kumtojili, bwaalagɔ a yǝlam tʊʊm, dɨsɔ la kum Tɛlalɔɨ a bɛ, gʌleng kɔkɔ dʊʊn nɨ.