Popular Bible Verses from УблапӀэ 39

Deildu

Зиусхьаныр Юсыф игъусагъэти, ащ иӀофхэр дэгъоу кӀощтыгъэх. Мысырым щыщэу ежь изиусхьан иунэ ар щыпсэущтыгъэ.

ЗэкӀэ ащ иӀагъэр Юсыф ӀэкӀилъхьагъ, Юсыф ихьатыркӀэ шхэнымрэ ешъонымрэ ехъурэ гумэкӀ мысырылӀым иӀэжьыгъэп. Юсыф ыпкъыкӀи ынапэкӀи дэхагъэ.

Хьапсым иӀэшъхьэтет зэкӀэ хьэпсчӀэсхэр Юсыф ыӀэ къырилъхьагъэх, Ӏофэу щашӀэрэ пстэумкӀи ар унэшъошӀ хъугъэ.

Юсыф аригъэубыти, пачъыхьэм ихьапсчӀэсхэр зычӀэсхэм чӀаригъэдзагъ. Юсыф джаущтэу хьапсым чӀэс хъугъэ. Ау Тхьэр Юсыф игъусагъ, Ежь игукӀэгъукӀэ хьапсым иӀэшъхьэтет ынэшӀу къыщифэнэу ышӀыгъ.

Уахътэ тешӀагъэу Юсыф изиусхьан ишъуз ынаӀэ къытыридзи, къыриӀуагъ: «Къызголъ». Ау ар фимыдэу джэуап ритыжьыгъ: «Мары сизиусхьан зыфэгумэкӀын гори иунэ щыриӀэжьэп, зэкӀэ имылъку сӀэ къырилъхьагъ. Ежь фэдэу мы унэм Ӏофхэр щысэгъэзекӀох. Ощ нэмыкӀэу сэ ащ фит сызфимышӀыгъэ щыӀэп, сыда пӀомэ о ащ уришъуз. Адэ сыдэущтэу ащ фэдэ емыкӀушхо сэ сшӀэна, Тхьэм ыпашъхьэ псэкӀод къыщысхьэу?»

Ау зэгорэм иӀофхэр ышӀэнхэу ар унэм зехьэм, унэӀут хъулъфыгъэ гори имысэу къычӀэкӀыгъ. Бзылъфыгъэм, ащ ищыгъын къетхъуи, къыриӀуагъ: «Садэжь къэгъолъ». Ау ищыгъын ащ къыӀэкӀигъани, Юсыф къыкӀитхъуи, унэм къичъыжьыгъ.