Popular Bible Verses from УблапӀэ 28

Deildu

Мары Сэ сыпкӀыгъу: тыдэ укӀуагъэми, усыухъумэщт, мы чӀыгуми къэозгъэгъэзэжьыщт. Уизакъоу укъэзгъэнэщтэп къыосӀуагъэр сэгъэцэкӀэфэ».

Мары Зиусхьаныр ащ ышъхьагъ тетэу Якъубэ къыреӀо: «Сэры Зиусхьаныр, уятэжъэу Ибрахьими Исхьакъи я Тхьэр. ЧӀыгоу узтелъыр Сэ ори птекӀыщт бынхэми къышъосэты.

Якъубэ къэущыжьи, къыӀуагъ: «Шъыпкъэ дэдэмкӀэ, Зиусхьаныр мы чӀыпӀэм щыӀ; сэ ар сшӀэщтыгъэп!

ЕтӀанэ Якъубэ тхьэлъанэ ышӀыгъ: «Сэ мы гъогоу сызтетым сыкъыщиухъумэу, Тхьэр сигъусэщтмэ, хьалыгъурэ щыгъынрэ къыситэу, мамырныгъэкӀэ сятэ иунэ къэзгъэзэжьмэ, Зиусхьаныр си Тхьэу щытыщт; мы мыжъоу мыжъосынэу згъэуцугъэр ТхьэлъэӀупӀэ хъущт, ыкӀи О, Тхьэ, къысэптырэ пстэуми азыпшӀанэ О къыостзэ сшӀыщт».

О птекӀыщт бынхэр чӀыгум телъ пшахъом фэдизэу бэ хъущтых, тыгъэ къохьапӀэмкӀи, тыгъэ къокӀыпӀэмкӀи, темырымкӀи, къыблэмкӀи ахэр ащыпсэущтых. Оррэ птекӀыщтхэмрэ яхьатыркӀэ дунаим тет лъэпкъ пстэуми сынэшӀу ащысфэщт.

А чӀыпӀэм ащ цӀэ фиусыгъ: Бэтэл; ащ ыпэкӀэ а къалэм Луз ыцӀагъэми.