Popular Bible Verses from УблапӀэ 17

Deildu

Ибрам илъэс тӀокӀиплӀырэ пшӀыкӀубгъурэм итэу Зиусхьаныр ащ къыфэлъагъуи, къыриӀуагъ: «Ел Шадай Сэры, ащ къикӀырэр: ЛъэкӀ пстэури ЗиӀэ Тхьэр. Сапашъхьэ щыпсэу, мыхъун зи къызыхэмыгъаф.

Ащ нахьыбэри Ибрам пцӀэжьыщтэп, ау Ибрахьим пцӀэщт, сыда пӀомэ Сэ лъэпкъыбэмэ ятэу о усшӀыщт.

Сэррэ оррэ, о къыптекӀыгъэхэу къыпкӀэлъыкӀощт лӀэужхэми, зы лӀэужым къикӀэу адрэм кӀоу, мыкӀодыжьын Ӏуагъэ къыжъудэсшӀыщт: ори о къыптекӀыщтхэми Сэ шъуи Тхьэу сыщытыщт.

«Сэ джы Ӏуагъэ къыбдэсэшӀы. О цӀыф лъэпкъыбэмэ ятэпӀашъэ ухъущт.

Тхьэм къыӀуагъ: «Хьау, уишъузэу Сарэ шъао къыпфилъфыщт, о ащ Исхьакъ цӀэу фэуусыщт; мыкӀодыжьын зэзэгъыныгъэ Сэ ащи, ащ текӀыщтхэми адэсшӀыщт.

Ори о къыптекӀыщтхэми зэкӀэ КъэнаӀан хэгъэгоу хымэу о узыщыпсэурэр егъэшӀэрэм шъо шъуиенэу къышъостыщт; ахэми я Тхьэу сыщытыщт».

Ибрахьимэ бгъэгукӀэ зыридзыхыгъ, ау щхыпцӀи, ежь ежьырэу зэриӀожьыгъ: «Илъэсишъэ зыныбжьым сабый къыфэхъунэуи? Илъэс тӀокӀиплӀырэ пшӀырэ зыныбжь Сарэ сабый къылъфынэуи?»

Тхьэм Ибрахьимэ джыри къыриӀуагъ: «Уишъуз ащ нахьыбэрэ Сарай епӀожьыщтэп, ащ ыцӀэщтыр Сарэ.

Сэррэ шъоррэ Ӏуагъэу тазыфагу илъым итамыгъэу пышъуупкӀ шъупкъышъол ыпакӀэ.

Ау Ӏуагъэр зыдэсшӀыщтыр – илъэс зытешӀэкӀэ, мы охътэ дэдэм, Сарэ къыпфилъфыщт Исхьакъ ары».

Зы лӀэужым къикӀэу адрэм кӀоу сыдрэ сабыеу, унэӀут хъулъфыгъэу унэм къыщыхъугъэри, о къыптемыкӀыгъэу, нэмыкӀ лъэпкъым тыжьынкӀэ щышъущэфыгъэри, сунэт шӀыгъэ орэхъу, къызыхъугъэм мэфий тешӀагъэу. О уиунэ къихъухьагъэри, о пхэмыкӀыгъэу, уитыжьынкӀэ пщэфыгъэри сунэт шӀыгъэ орэхъух: унэм къихъухьагъэри, пщэфыгъэри ары. Джаущтэу мыкӀодыжьын Ӏуагъэу Сэррэ шъоррэ тазыфагу дэлъым итамыгъэ пкъышъолым телъ хъущт.