ओहाङःसैको ओउः पैसा पत्रुस्कायः ल्हाती माःती बयःतोक्हाङः “अ हननायाय दोह् हायःतीतेः इ सैतान्इ ल्हुङ् धुय्ती होम्ती नोःओ कुरा सायःती नाङ्इ परमेस्वर्कोः ग्वालामःकायः माःती तोती एतलेः मोल् पैसा तात्ती बयःतेःआकान्। ओउः राङ्पाय् नाङ्कोःलेः खेःजेःतो बा ओउःत झ्यान्ते वीनःआक्तीको नाङ्इ माःती तोमाःत ‘लौ ङाकोः राङ्कोः मोल् पैसा वेःती लयः झाक्जम्कोः वानःआलाङः’ त तोतेःचौ खेःतो। दोह् हायःतीतेः एत रेव्ओ काम्पाय् ल्हुङ्हाङः म्हर्तेःतो नाङ्इ परमेस्वर्खेकायः माःती तोतेःआकान् रैस ङी मान्ताखेकायः खेःल” त पत्रुस्इ जान्ती तोआथै। ओहाङःसैको एत जान्ओ कुरा सायःओ कुस्ब्रक्त हननायापाय् कोन्ह्ती सीआ। सीआक्तीको सबै इ कुरा सायःओ मान्तालम् आन रैआकाय्।