Popular Bible Verses from Matius 27

Deildu

Ma fafa jam tiga e Yesus nafwayak, “Eli, Eli, lama sabakhtani?” Isiny feti, “O Ratu, Ko ye Ningw Ratu, safema mtwi a mtwate Yakw?”

Na noak a ne maloly melabar ma ntikloi neluk sasake na Ratu Ni Das Silai dalam a ne ntarbis a nmpan du nof das terik bab. Ma ruku silai nbal nwayat ma baty silayar rangfefar. Ma kubrar yadin rtakbanril, nwayat ma Ratu Ni tomwatar ma rmat a ne rmorip a rbali.

Ne Yesus nfalak nor liriny silai betno ntetak Ni sanawe.

Noak a ne suldadwar nir ulun numur suldadwar ketnir rajake Yesus. Noak ma rsalan ruku silai, ma safe-safe monuk ma diat sir a ne, ramtaut desar ma rfalak, “Botuan, I ye Ratu Anaky.”

Noak a ne lere nfat langit lo, nempa nuse ni kateman makrokap terik jam tiga.

Ne Pilatus nfalak ber sir, “Farlan farane e kmi mpyeang ma kose safe ber Yesus ma mtyar feti Ray Silai ne?” Ne sir monuk rafwayak, “Mswangwalu I!” Ne Pilatus nenrat sir a nbal, “Ali Ni sal safe?” Nempa sir rtafal ma rafwayak, “Ka mswangwalu I!”