Popular Bible Verses from Pinongurugan 4

Deildu

Bang owarong-a winaal mu no, tantu sumudu'an ko ya. Nga pagka oraai winaal mu no, mongibon sono koraayan-o so ikau soko kulos-kulos mongibon nu kuwai tompaan. Mokipopogkuasa koraayan-o so ikau, indadi doogo yo ono,” koo.

Nosukod-o si Sit om kianak sono iyo nu kusoi, iningoranan so si Inus. Iya yo iiri su tinimpuunan nu lobuw mongorait nu ngaran nu TUHAN koduung mogdu'a nosiro so Kinoringan.

Indadi, mongoduato yo TUHAN so si Kain nu, “Siombo yo si adi' mu?” koo. Sumombuto yo si Kain nu, “Dai ku ya oilaan. Subai ipat-ipatan ku gaam si adi',” koo.

Mutongaro yo TUHAN so iyo nu, “Oilaan Ku nu pinatoi mu si adi' mu. Raa' niyo so tana' no soko momaau so Aku, mokisuli'on.

Indadi mutongaro yo TUHAN nu, “Dai ya nu soko ono. Bang potoyon ko, turu sono koyuwan potoyon maid nu ono momatoi so ikau-o nu soko ponunsuli',” koo. Indadi, tondai yo sono nu TUHAN si Kain, tayon ong dai potoyon nu isai ya kosambat so iyo.