Popular Bible Verses from Yohanna 15

Deildu

“Niina nǝ ɓot inabi ma, saase ɗǝm sǝ para. Yaa yǝ kaɗsǝ ɗaan a nani ya, niina kǝn ɗaan a sanii ya, ǝn sase yǝn nseesǝ emba dem ya. Me sem ke ma niina ra, sǝ nkaa sǝ tom mbuka ra.

Sǝ kaɗ ɗaan a nani, nase kǝn ɗaan a saani. Nga para ɓot inabi ma yǝ nkaa yǝ nsee emba fin mbusa ra wa, ndub me yǝ kak a ɓot inabi man, maaso saase kǝn, sǝ nkaa nsee emba ra, ndub me sǝ kaɗ ɗaan a nanin.

Me sǝ kaɗ ɗaan a nani, mara na ɗǝm yǝ kaɗ a kuɗa saan, kǝ sǝ kǝna nsaad mbu sǝn taasǝ ɓa, ɓaa kǝsǝ tommo.

Sǝ taunǝ saase ra, pa nǝ tausǝ niina, nǝ tisǝ me kosǝ nsee emba, em ɓǝsa ɗǝm ɓǝ tom ɓaa kǝɓaa kaɗ pakarese wa. Pa paapa kiyǝsǝ na nsaad mbu sǝ kǝnasǝ a ɗǝnda na ɓa.

Yauta kǝta sem kǝn kwang faɗsǝ u nwa wa ra, me ete yǝ na huurtu usu me sikisi.

Nsaad para yǝsǝ a nani ya, pa yǝ nsee emba ra ya, kiyaa ɗaɗɗa. Para ɗǝm yǝn nseesǝ emba ya, yǝn senggesǝ yaɓ, me yǝ sookǝ nsee emba wa.

U nwa ǝn siso mara na me, sǝ yau ɓaatǝ nga nǝ yausǝsǝ wa.

U nwa ǝn ɗǝɗa ɓaa ka too Paane ra, me sǝn nsee emba dem, tommo maaso wa, kǝ weɗɗa me sǝn emfǝɗkaa ɓǝna wa.

“Niina nǝ ɓot inabi u ɓongtǝra wa, Paane ɗǝm ǝn sase an waa nyaanyo siso ya.

Hana yamni yaa yǝ kaɗ ɗaan a nani ra ya, yǝ nga para ɓota u ɓaa fangsǝ aa ee wa. Ɓaa kǝ kwau nkamǝra ira aa muɗkǝ a ara, aa kǝɗǝ.

Nǝ nkeesǝ maaso me hur kuɗa waano yǝ kaɗ ke ma saase, hur kuɗa waaso ɗǝm yǝ tom kungsǝ kungsǝ.

Me sǝ bǝɗ mbu nǝ nkeesǝsǝ ɓan, kǝsǝ kaɗ ɗaan a yauta na, nga keke niina nǝ bǝɗsǝ mbu Paane nkeesǝ ɓa wa, ɗǝm nǝ kaɗ ɗaan a yauta ita.

U nwa ǝn siso mara na me, sǝ yau ɓaatǝ.”

Me kasǝ ɓet put taandi wa ɓa, ɓet put taandi wa kama ɓǝ kǝsǝ yau nga u ɓoso. Pa me sǝ sem ɓet put taandi wa ɓa ra, nǝ ɗǝm tausǝ a put taandi wa, ǝn siso put taandi wa ɓǝ mbisǝsǝ wa.