Popular Bible Verses from Ayyukan 1

Deildu

Pa kǝsǝ kon kwangto a fer Wis Kaa wa wosǝ a sani wa; kǝsǝ tom ɓan nkee mara mbusǝ wǝrsǝ a ɗuura naa ɓa Urshalima ma Yahudiya ma Samariya, a ko a feɗefeɗe put taandi wa ya.”

Pa yǝɓǝ nkee me, “Sem sase kǝsa maa meeta ma tǝro u Paane yǝ tisǝ ma kwangto usu wara.

Pa kaa fin ka yǝn sesǝ mbuseya ma ɓosa wa, pa yǝɓǝ nkee me, “Sǝ lee Urshalima nok ra, sǝ war fer Paane kiyǝsǝn tung Wis Kaa wa nga yǝ nkeesǝsǝ me kiyǝsǝ tung wa, nga sǝn kurasǝ nǝn kansǝ wa. Me Yohanna yǝ tom baptisma ma mbraa, pa tǝro ngeek a wiiyo wa kǝsǝ tom baptisma ma Wis Kaa wa.”

Ndiira kongsa isa wa, yǝ weɗa ee usu ɓahona yǝɓǝ nkee mbusa ɓol ɓol u ɓǝka maa me yǝ ɗanyǝn, yǝ weɗa ee usu a ɓoni a fer tǝrma pakurun wa ɗǝm yǝɓǝ kan mara a ɗuura kuɓsutu Kaa wara.

Ndiira yǝ nkeesǝ mbusǝsa maaso wa, ɓaa too ɓoti ɓǝn wǝr wǝrǝ ɗǝm liuta aa liki a han ɓǝsǝ ɓa.

Pa ɓǝsa sengo a liura ɓoti yǝn taasǝn taa wa sem ma maa ɓoso ra pa ɓǝ wǝr ɓaataka raɓ ɓǝ tungsǝ lukta pengpeng ɓǝ nǝɗsǝ kwang ma ɓosa. Ɓǝ nkee me, “Ɓaa Galili ɓa, sǝn nǝɗ mbi a ham ɓa sǝn sengǝsǝ liurau? Yeso ya ɓaa tosǝsǝ a sani a faɗ a liura ya kiya kang nga sǝ wǝrsǝ yǝn taasǝn taa a liura wa.”