Popular Bible Verses from ಮತ್ತಾಯ 19

Deildu

ಯೆಸು ತ್ಯುನೊನೆ ಯಕ್ಕ ಸಂವಾ ದೆಕಿನ ಎ ಮನಕ್ಹೊಕ್ಹು ಅಸಾದ್ಯ ವ್ಹೈ. ತೆನೈಸೊ ಕ್ಹುದಾನೆ ಕ್ಹಾರುಜ಼ ಸಾದ್ಯ ವ್ಹೈ ಕದ್ಯೊ.

ಅಮ್ಮ ರ‍್ಹತಾಮಾ ತ್ಯುನೆ ಬೆಜ಼ನಾ ನ್ಹವೈ ಯಕ್ಕ ಅಂಗ ಥಯಾಸ. ತಿನಾಹುತಿ ಕ್ಹುದಾ ಮಳಾಯಲನೆ ಮನಕ್ಹ ಜು಼ದು ಕರು ನೈ ಕದ್ಯೊ.

ತೆ ಉತ್ತರ ದಿನ, ಮನಕ್ಹೊನೆ ಸೃಷ್ಟಿ ಕರಲವಾಲೊ ಅದಿತೊಜ಼ ತ್ಯುನೊನೆ ಗಂಡ ವರಿ ಹೆಣ್ಣ ಕೈನ ಸೃಷ್ಟಿ ಕರ‍್ಯೊ. ಆಂ ಕಾರಣಕ್ಹುಜ಼ ದಾಣ್ಗೊ ಯಾ ಬಾನೆ ಛೊಡಿನ ತಿನಿ ಬೈಕೊನೆ ಮಳೈಲಿವಸ. ತ್ಯುನೆ ಭಂಬಿ ಜ಼ನಾ ಯಕ್ಕಜ಼ ಅಂಗ ಥೈನ ರ‍್ಹವಸ ಕವಾನು ತುಮೆ ಓದ್ಯಾಸತೊ?’

ತೆನೈಸೊ ಯೆಸು, ನ್ಹಾನಾ ಬಚ್ಚಾ಼ವೊನೆ ಛೊಡೊ. ಮಕನ ಆವಾನೆ ತ್ಯುನೊನೆ ಅಡ್ಡ ಕರೊ ನಕೊ. ಕಾಕದ್ಯಾಮ ಪರಲೊಕ ರಾಜ್ಯ ಹೆವಾವೊನುಜ಼ ವ್ಹೈ ಕೈನ ಕದ್ಯೊ.

ತೆನೈಸೊ ಪೈಲಾತಾ ರ‍್ಹಯಲವಾಲಾ ಘನ್ನಾ ಮನಕ್ಹೊ ಲಾಸ್ಟನಾ ಥಾವಸ ವರಿ ಲಾಸ್ಟನಾ ಘನ್ನಾ ಮನಕ್ಹೊ ಪೈಲಾನಾ ಥಾವಸ.

ವರಿ ಮಾರಾ ನಾಮನಾಹುತಿ ಘರೊನೆ ರ‍್ಹವಾದೆ, ಭಾಯೊನೆ ರ‍್ಹವಾದೆ, ಭೆನೊನೆ ರ‍್ಹವಾದೆ, ಬಾಪನೆ ರ‍್ಹವಾದೆ, ಮಾನೆ ರ‍್ಹವಾದೆ, ಬಚ಼್ಚಾವೊನೆ ರ‍್ಹವಾದೆ, ಜಿಮಿನನೆ ರ‍್ಹವಾದೆ, ಛೊಡಿಪಡಲ ಹರಯಕ್ಲೊ ಕ್ಹಾರು ಖೊ ಯಕ್ಲು ವ್ಹಂದಿಲಿವಸ. ತೆನೈಸೊ ಹಮೆಶಾನಾ ಜ಼ಲಮನೊ ಅದಿಕಾರಿ ಥಾವಸ.

ಯೆಸು ತಿನೆ, ತು ಪರಿಪುರ್ಣ ಥಾವಾನೊ ರ‍್ಹಯೊಮ, ಗೈನ ತುನೆ ರ‍್ಹಯಲ ಕ್ಹಾರು ಇಕ್ಕಿನ, ಗರಿಬೊನೆ ದೆ, ತೆಳಾಮಾ ತುನೆ ಪರಲೊಕಮಾ ಆಸ್ತಿ ರ‍್ಹವಸ. ಪಾಚ಼ಲ್ತೊ ತು ಮಾರಾ ಪಾಚೊ಼ ಆ ಕೈನ ಕದ್ಯೊ.

ಯೆಸು ತಿನೆ, ಚೊ಼ಕಾನಾಹುತಿ ಮನೆ ಶಾನೆ ಪುಚ್ಚಶಿ? ಚೊ಼ಕೊ ರ‍್ಹಯಲವಾಲೊ ಯಕ್ಲೊಜ಼ ವ್ಹೈ. ತೆ ಜ಼ಲಮ ವ್ಹಂದಿಲಿವ ಕೈನ ಕದ್ಯಾಮ ಕ್ಹುದಾನಿ ಆಗನ್ಯಾವೊನೆ ವಿದೆಯ ಥೈನ ಚಾ಼ಲ ಕೈನ ಕದ್ಯೊ.

ಹಾಂ, ಮಿ ಫರಿನ ತುಮೊನೆ ಕೌಸ ಆಸ್ತಿ ರ‍್ಹಯಲವಾಲೊ ಕ್ಹುದಾನಿ ರಾಜ್ಯಮಾ ಜಾ಼ವಾತಿ ಹುಂಟ ಖ್ವಯಿನಾ ಡೊಳಾಮಾ ಜಾ಼ವಾನು ಆಸಾನ ವ್ಹೈ.

ವರಿ ವ್ಯಬಿಚಾರನಾ ಕಾರಣಕ್ಹು ನೈಸೊ ತಿನಿ ಬೈಕೊನೆ ಛೊಡಿನ ವರಿಯಕ್ಲಿನೆ ಹಿವಾ ಕರಿಲಿವಾಲೊ ವ್ಯಬಿಚಾರ ಕರಲ ನಿಂಗತ ವ್ಹೈ; ವರಿ ಮಾಟಿ ಛೊಡಲವಾಲಿನೆ ಹಿವಾ ಕರಿಲಿವಾಲೊ ವ್ಯಬಿಚಾರ ಕರಲ ನಿಂಗತ ವ್ಹೈ ಕೈನ ತುಮೊನೆ ಕೌಸ ಕದ್ಯೊ.

ತೆಳಾಮಾ ಯೆಸು ತಿನಾ ಶಿಶ್ಯಾವೊನೆ, ಆಸ್ತಿ ರ‍್ಹಯಲವಾಲೊ ಪರಲೊಕ ರಾಜ್ಯಮಾ ಜಾ಼ವಾನು ಘನ್ನು ಕಷ್ಟ ವ್ಹೈ ಕೈನ ತುಮೊನೆ ಕ್ಹರಿಜ಼ ಕೌಸ.