Popular Bible Verses from Мк 12

Deildu

Иисус вашештен: «Эн тӱҥ кӱштымаш тиде: ”Израиль, колышт! Мемнан Господь Юмына – ик Господь веле. Господь Юметым уло шӱмет, уло чонет, уло умылымашет, уло виет дене йӧрате”. Тиде эн тӱҥ кӱштымаш. Кокымшо кӱштымаш тыгаяк кугу: ”Лишылетым шкендым йӧратыме семынак йӧрате”. Нине кок кӱштымаш деч кугужо уке».

Иисус тунемшыж-влакым Шкеж деке ӱжын да каласен: «Тыланда чынак ойлем: тиде йорло тулык ӱдырамаш надырым чыла моло еҥ деч шукырак пыштен. Нуно утышт деч пыштеныт, а тудо шкенжын йорлылыкшо деч мо улыжым, илышыжлан мо кӱлмым чыла пуэн».

Иисус надыр оксам пыштыме вер ваштареш шинчын да калык тушко надырым кузе пыштымым ончен. Шуко поянже оксам ятыр пыштен. Вара ик йорло тулык ӱдырамаш толын да кок лептам, вес семынже кодрантым пыштен.

Юмым уло шӱм, уло уш-акыл, уло чон, уло вий дене йӧратыме, лишылымат шкендым йӧратыме семын йӧратыме – йӱлалтен пуымо да моло надыр дечат кӱлешанрак».

Тунам Иисус нунылан каласен: «Тыгеже кесарьлан кесарьыным, Юмылан Юмыным пуыза». Нуно Тудлан чот ӧрыныт.