Popular Bible Verses from Matius 3

Deildu

Dadiꞌanomo fotiwohaeꞌomu ne podiumiu, ingka gahaꞌa fetompaanemoomu dhosamiu.

Tanotifetingkemo dua suaha nomaiꞌao te lani ambano, “Ainimo Anaku timoasiꞌaono, neposahasiꞌaono laloku.”

Pada nokadiuꞌe, Yesus lasao nolimba maiꞌao weo oe, gahaꞌa tanosimoengkaꞌamo lani maka nowoha Rohino Lahataꞌala nokatu futeꞌo, nosampu te wawono.

Idi akadiuangkoomu oe mbali katandaino fetompaꞌao dhosamiu, tamaka so humatono mada kaowu nofoliu kanau kuasa. Mahingga alumense katapuno kaampinino pae amantasia. Anoa naꞌa nakumadiuangkoomu Rohino Lahataꞌala bhe efino.

Polulu nokantaa-ntaamo ne pahakano sau. Sabhaha sau tapa mokesaꞌano bhake tetewei datumuꞌoe maka daꞌumohoe weo efi.

Yohanesmo ini nepulaoꞌaono anabii Yesaya ambano, “Nandoo suaha mekei-keino we pandaso bhalano, ‘Mebhongkaomu kaangkaꞌa so Ompu fekalaaꞌeomu so kaangkaꞌano.’ ”