Popular Bible Verses from Reemer 8

Deildu

Wayl meyer wise tas aler tings paysamer xaft fer kuut fon tëne woo Hërkot liipe, fon tëne woo eyer keruuf hot, tëm noo sayne plaan.

Wayl ich sin sicher tas niks uns ap teele khan fon Hërkot sayne liipe; net te toot, net es leewe; net ti ëngle, net mool anere autoriteete ore himlixe machte; net te presënt, net te futur; net ti welt fon tort uwe, net ti welt fon tort une. Im kanse Uniwërs kept es niks woo uns ap teele khan fon Hërkot sayne liipe, woo unser is torich Yeesus Kristus, unser Hër.

Soo aach khomt te Kotes Kayst uns helfe in unser xwachheet. Wayl meyer wise net wii meyer peete sole, awer te Hërkots Kayst, mit yoomere woo meyer net in wërter aus xpreche khëne, ferlangt fer Hërkot fer uns.

Tsu tas ales, was khan noch kesaat kewe? Wën Hërkot pay uns is, weyer wil sich keeche uns xtele? Nimant!

Yets kept es xon khee konteneerung mee fer ti mënxe woo fereenicht sin mit Yeesus Kristus.

Kontroleyert kewe torich ti mënxlich natuer fiert uns tsum kaystliche xtërwe; awer, kontroleyert kewe torich em Hërkot sayne Kayst, fiert uns tsum eewiche leewe un friite.

In al tëne situatsioone hon meyer te komplët triunf torich tëm woo uns keliipt hot.

Ich tënke tas was meyer layte iwer unser leewe khan net ferklaycht kewe, uf khee aart, mit te kloor woo uns reweleyert kept im futur.

Tan, weyer khan uns ap teele fon Kristus sayne liipe? Meechte es ti layte sin, ti xwiirichkheete, ferfolichung, te hungers noot, ti aarmut, te kefoer ore te toot?

Un Hërkot, woo siit was im hërts trin is, wees was te ketanke fom Kayst is. Wayl te Kayst ferlangt fer Hërkot sayn folek un ferlangt tëm noo Hërkot sayne wile.

Wayl, tii woo kefiert kewe torich em Hërkot sayne Kayst sin Hërkot sayn khiner.

Wayl ti mënxe woo leewe tëm noo ti mënxlich natuer hon sayne ferxtant kontroleyert torich tii selwich natuer. Awer, tii woo leewe tëm noo Hërkot sayne Kayst hon sayne ferxtant fom Kayst kontroleyert.

Wayl eyer hot net mool sayne Soon tsurik kehal, awer hot en keopfert weche uns al! Wën eyer uns sayne Soon kep hot, meecht eyer uns net aach aler tings kewe?

Em Hërkot sayne Kayst fereenicht sich mit unsere kayst fer se fersichere tas meyer Hërkot sayn khiner sin. Meyer sin tëm sayn khiner, un tesweche kriin meyer seechne woo eyer uf heept fer sayn folek, un kriin aach mit Kristus tas was Hërkot uf kehoop hot fer iim. Wayl, wën meyer teel mit hale in Kristus sayn layte, tuun meyer aach mit hale in sayn kloor.

Tesweche kewe ti mënxe woo fon te mënxlich natuer kontroleyert sin faynte fon Hërkot, wayl se net em Hërkot sayn kesets noo keen un, in te woerheet, khëne se net noo keen.

Te kanse Uniwërs waart mit kroos unketult te momënt woo Hërkot uns reweleere tuut was tëm sayn khiner wërklich sin.

Wayl meyer wise tas pis yets te kanse Uniwërs yoomert un phayn mit macht wii en fraa woo en khint uf ti welt am pringe is.