Popular Bible Verses from Reemer 11

Deildu

Wayl eyer hot aler tings ketsoo, un ales eksisteyert torich iim un fer iim. Kloor fer Hërkot fer imer! Aamen!

Wii kroos sin Hërkot sayn raychtume! Wii tiif sin sayn khëntnis un sayn wisheet! Weyer khan sayn pextimunge ausleye? Weyer khan sayn pleen ferxteen?

Wii ti Hayliche Xrifte saan: “Weyer khan em Hër sayne sin khëne? Weyer hot ti kapasiteet fer tëm raat se kewe?

Tas selwiche paseyert aach yets. Weche Hërkot sayne knaate, is noch en kleene numer fon tëne woo eyer aus kesuucht hot. Sayn aus suuche hot sayn basis an Hërkot sayne knaate un net an was se kemach hon. Wayl, wën Hërkot sayn aus suuche sayn basis het an was ti mënxe mache, tan weyer tëm sayne knaate net te wërkliche knaate.

Phaar est fom keplanste oliiwe paam sin ap keproch kep, un en ast fon wilte oliiwe paam is traan kephost kep. Also teyer, woo khee yute sayt, sayt wii tee wilte oliiwe paam un halt yets teel an te kraft un kaystlich raychtum fon te yute. Soo, teyer tëreft net ti est woo ap keproch kep sin ferachte. Wii khënt teyer xtols too triwer sin? Teyer sayt ploos est. Sayt net teyer woo ti wortsel hale tuut — is ti wortsel woo aych halt.