Vinsæl biblíuvers úr Mateus 18

Deildu

Wayl, woo tswaay ore tray paysamer sin in mayne naame, too sin ich pay tëne.

— Un fersichere aych tas tas aach woer is: yeetes mool woo tswaay fon aych woo uf te eyert sayt es selwiche ferlange tuut in kepeet, tas wërt te Fater, woo im himel is, mache.

Yeesus hot en khint keruuf, hot tas tëne foer aan kextelt un saat: — Ich fersichere aych tas tas woer is: wën teyer ayer leewe net ferënere tuut un net ekaal wii ti khiner kept, khomt teyer nii in te Himels Raych.

Tas importanteste persoon im Himels Raych is tas woo sich erniitricht un kept ekaal wii tas khint.

Un tee woo, wayl eyer mayn aanhënger is, en khint wii tas aan nëme tuut, is mich am aan nëme.

— Ich fersichere aych tas tas woer is: was teyer ferpiite tuut uf te eyert, kept ferpoot im himel, un was teyer erlaupnis kept uf te eyert wërt erlaupnis kriin im himel.

Un Yeesus hot xlus kemach, am saan: — Is tas was mayne Fater, woo im himel is, mache tuut mit aych wën yeete ëne net sayne pruuter hërtslich fertsaye tuut.

Wën yemant xult traan hot tas eene fon tëne kleene woo an mich klaawe mich in xtich lost, weyer peser fer tas persoon teet ins tiifste plats fom meyer kexmis kewe mit en xweere xteen am hals kepun.

— Was mënt teyer? Was macht en man woo hunert xeef hot un een fon tëne sich ferleere tuut? Meecht eyer net ti noyn un noyntsich am kraase lose uf em përich un teet te ferloerne xoof suuche keen?