Popular Bible Verses from Yohan 15

Deildu

— Ich sin te trauwe xtok, un teyer sayt ti reepe. Weyer fereenicht is mit mich un ich mit tëm, tee kep fiil fruchte, wayl oone mich khënt teyer niks mache.

Playpt fereenicht mit mich, un ich wil fereenicht playwe mit aych. Wayl, soo wii ti reep ploos trauwe kept wën se fereenicht is mit te plans, soo aach teyer khënt ploos fruchte kewe wën teyer fereenicht playpt mit mich.

Wën teyer mit mich fereenicht playpt, un mayn wërter in aych playwe, wërt teyer ales kriin was teyer ferlangt.

Tas waart net teyer woo mich raus kesuucht hot; es keeche teel, es waar ich woo aych raus kesuucht hon tas teyer keen solt un fruchte kept, un tas tii fruchte net ferloer keen. Tas, tas te Fater aych ales kept was teyer ferlange tuut in mayne naame.

Nimant hot mee liipe uf sayn froynte wii tee woo sayn leewe kept weche tëne.

Al ti reepe woo khee trauwe kewe, tuut eyer ap hake, wën se ach aan mich sin. Awer ti reepe woo trauwe kewe tuut eyer xnayte, tas se sauwer kewe un noch mee trauwe kewe.

Mayne kepoot is tee: liipt eene em anere soo wii ich aych liipe.

Un ti kloor fon mayne Fater tuut sich rewelere wën teyer fiil fruchte protutseyert un soo tsayche tuut tas teyer mayn tisiple sayt.

Yeesus saat: — Ich sin te echte trauwe xtok, un mayne Fater is te pauer.

Weyer net fereenicht playpt mit mich wërt wech keworef un wërt fertrokne. Wërt wii ti trokne reepe woo kesamelt kewe un ins fayer kexmis, woo se ferprënt kewe.

— Ich sin tas am saan tas mayn frayt in aych playpt, un ayer frayt komplët sin sol.

Wën teyer mayn kepoote noo keet, tuun ich aych wayter liipe, soo wii ich mayne Fater sayn kepoote noo keen un te Fater tuut mich wayter liipe.

Was ich aych xike is tas: liipt eene em anere.

Wën teyer fon te welt weyert, teet ti welt aych liipe wayl teyer fon te welt weyert. Awer ich hon aych raus kesuucht unich ti layt fon te welt, un teyer sayt nime tëm. Tesweche tuut ti welt aych hase.