Popular Bible Verses from ꤜꤢꤨꤊꤢ꤬ 7

Deildu

ꤟꤢꤨꤔꤣꤧ꤬ꤚꤣꤧ꤬ ꤠꤢꤧ꤭ ꤟꤢꤩ ꤔꤢꤧ꤬, ꤖꤚꤢꤩ꤬ꤗꤢꤪ꤬ ꤘꤣ ꤢ꤬ꤒꤢꤩ꤬ꤞꤢꤦ ꤥ꤬ꤢꤩ ꤣꤧ꤭ꤒꤣ꤬ꤖꤚꤢꤩ꤬ꤔꤣꤧ꤬, ꤡꤢꤪꤗꤣꤧ꤬ꤚꤢꤧ꤬ ꤕꤜꤝꤢ꤭ꤊꤢꤧ꤭ ꤜꤢꤪ꤭ꤟꤣꤧ ꤜꤢꤨ꤭ꤒꤢꤩ꤬ꤞꤢꤦ ꤟꤣꤧ꤯ ꤟꤢꤨꤔꤣꤧ꤬ꤚꤣꤧ꤬ ꤢ꤬ ꤋꤢꤧꤜꤥ꤭ ꤟꤣꤧ ꤔꤢꤧ ꤢ꤬ ꤗꤥ꤬ ꤚꤣꤧꤘꤢꤦ꤬ ꤔꤢꤧ꤬ꤡꤣꤧ ꤠꤢꤧ꤭ ꤟꤣꤧ꤯ ꤗꤢ꤬ꤔꤢꤧꤚꤣꤧ꤬ ꤊꤣꤧ꤬ꤛꤢꤧ꤭ ꤘꤣ ꤡꤢꤪꤗꤣꤧ꤬ꤚꤢꤧ꤬ ꤕꤜꤝꤢ꤭ꤊꤢꤧ꤭ ꤕꤣꤧ꤬ꤒꤤ ꤖꤢꤧ ꤜꤢꤨ꤭ꤒꤢꤩ꤬ꤞꤢꤦ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ꤊꤢꤩ꤬ ꤗꤥ꤬ꤚꤣꤧ ꤊꤢ꤬ꤋꤛꤢ꤭ꤏꤢꤦ꤬ ꤕꤣꤧ꤬ꤒꤤꤖꤢꤧ ꤡꤢꤪꤗꤣꤧ꤬ꤚꤢꤧ꤬ ꤖꤢꤧ꤯” ꤓꤥ꤭ꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩ ꤖꤚꤢꤩ꤬ꤗꤢꤪ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ, “ꤠꤢꤧ꤭ ꤕꤜꤝꤢ꤭ꤊꤢꤧ꤭ ꤜꤢꤪ꤭ꤟꤣꤧ ꤔꤢꤧ꤬ ꤒꤢꤩ꤬ꤞꤢꤦꤒꤢꤩ꤬ꤥ꤬ꤚꤢ꤬ ꤟꤣꤧ꤯”

ꤗꤢ꤬ꤔꤢꤧꤚꤣꤧ꤬ ꤛꤢꤩ꤬ꤏꤛꤢꤨ ꤟꤢꤩꤚꤣꤧ ꤖꤚꤢꤩ꤬ꤗꤢꤪ꤬ ꤔꤣꤧ꤬ꤒꤣ꤬ꤖꤚꤢꤩ꤬ ꤔꤢꤧ, “ꤔꤢꤧ꤬ ꤒꤢꤩ꤬ꤛ꤫ꤢꤦ꤬ꤒꤢꤩ꤬ꤔ꤫ꤢꤧ꤬ ꤔꤣꤧ꤬, ꤢ꤬ ꤗꤢꤩ꤬ꤜꤣꤧ꤬ꤕꤜꤢꤩꤊꤢ꤬ ꤟꤣꤧ ꤔꤢꤧ꤬ ꤟꤣꤧ꤯ ꤊꤢ꤬ꤗꤥ꤬ꤗꤥ꤬ ꤊꤢ꤬ꤚꤢꤧꤚꤢꤧ ꤘꤢꤦ꤬ ꤔꤤ꤮꤯”

ꤚꤣꤧ꤬ ꤢ꤬ ꤟꤢꤧ꤭ꤊꤣꤧ꤬ꤓꤢꤪ꤬ꤥ꤬ ꤖꤢꤦ꤬ꤒꤣꤧ꤬ꤒ꤫ꤢꤪ꤬ ꤘꤣ ꤛꤢꤩ꤬ꤏꤛꤢꤨ ꤢ꤬ꤋꤛꤢ꤭ ꤚꤣꤧ꤬ ꤢ꤬ ꤍ꤫ꤥ꤬ ꤕꤣꤧꤞꤢꤩ꤬ꤓꤣꤧ꤭ ꤒꤢ꤭ꤡꤥ꤬ ꤜꤢꤪ꤭ꤕꤜꤤ꤭ ꤡꤣꤧ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤢ꤬ꤋꤢꤧꤘꤥ꤬꤯ ꤚꤣꤧ꤬ ꤢ꤬ ꤓꤢꤦꤕꤜꤤ꤭ꤞꤢꤨ꤭ ꤊꤢꤧ꤭ ꤕ꤫ꤢꤩ꤬ ꤙꤢꤧ꤬ꤡꤢꤩ꤬ ꤛꤢꤩ꤬ꤏꤛꤢꤨ ꤋꤢꤧꤘꤥ꤬ꤣꤧ꤭ ꤔꤢꤧ ꤢ꤬ꤊꤢꤨꤜꤥ꤬, ꤚꤣꤧ꤬ ꤢ꤬ ꤔꤥ꤬ꤗꤢꤦ ꤜꤢꤨ꤭ ꤋꤢꤧꤘꤥ꤬꤯ ꤓꤥ꤭ꤚꤣꤧ꤬ ꤢ꤬ ꤜꤢꤧꤒꤢ꤭ ꤓꤣꤧ꤭ꤔꤥ꤬ꤗꤢꤦꤣꤧ꤭ ꤘꤣ ꤜꤢꤨ꤭ ꤋꤢꤧꤘꤥ꤬ ꤜꤥ꤬꤯

ꤓꤥ꤭ꤒꤥ꤬ ꤠꤢꤧ꤭ ꤒꤣꤧ꤬ꤔꤢꤩ꤬ꤜꤢꤧ꤬ ꤚꤣꤧꤘꤢꤦ꤬ ꤠꤢꤧ꤭ꤔ꤫ꤢꤩ꤬ ꤔꤢꤧ ꤠꤢꤧ꤭ ꤟꤢꤧ꤭ꤗꤢꤧꤓ꤫ꤣꤧ꤬ꤏꤢꤦ꤬ ꤖꤢꤧ ꤔꤢꤧ꤬ ꤔꤣꤧ꤬ ꤠꤢꤧ꤭ ꤊꤢꤪ꤬ ꤔꤢꤧ ꤔꤢꤧ꤬ ꤒꤥ꤬꤯ ꤗꤢ꤬ꤔꤢꤧꤚꤣꤧ꤬ ꤟꤢꤩꤒꤢ꤭ ꤖꤢꤧ ꤔꤢꤧ꤬ꤍ꤫ꤥ꤬ ꤒꤣ꤬ꤗꤢꤦ꤭ ꤔꤣꤧ꤬ꤗꤢ꤬, ꤠꤢꤧ꤭ꤜꤢꤨ꤬ꤜꤢꤩ ꤒꤢꤩ꤬ꤏꤝꤤ ꤊꤜꤢꤩ ꤥ꤬ꤗ꤫ꤢꤩ꤬ ꤔꤢꤧ꤬ ꤘꤢꤦ꤬ ꤟꤣꤧ꤯ ꤗꤢ꤬ꤗꤢꤩ꤬ꤒꤢꤩ꤭ꤚꤣꤧ꤬ ꤠꤢꤧ꤭ ꤟꤢꤩ ꤟꤢꤨꤣꤧ꤭ꤔꤣꤧ꤬ꤗꤢ꤬ ꤠꤢꤧ꤭ ꤔ꤫ꤢꤩ꤬ꤙꤢꤧ꤬ꤡꤢꤩ꤬ ꤚꤣꤧꤘꤢꤦ꤬ ꤠꤢꤧ꤭ ꤙꤢꤩ꤬ ꤔ꤫ꤤ꤬ꤘꤢ꤭ ꤊꤣꤧ꤬ꤛꤢꤧ꤭ ꤘꤣ ꤢ꤬ꤘꤢꤨ꤬ꤜꤣ ꤔꤢꤧ ꤠꤢꤧ꤭ ꤒꤣꤧ꤬ꤟꤢꤩ꤬ ꤢ꤬ꤍ꤫ꤥ꤬꤯ ꤟꤢꤨꤔꤣꤧ꤬ꤟꤣꤧ ꤊꤜꤣꤧ꤭ꤟꤢꤨ ꤘꤣ ꤢ꤬ ꤥ꤬ ꤘꤣ ꤠꤢꤧ꤭ꤜꤢꤩ꤭ ꤒꤣꤧ꤬ꤟꤢꤩ꤬ꤔꤣꤧ꤬ ꤢ꤬ ꤙꤢꤩ꤬ ꤔ꤫ꤤ꤬ꤘꤢ꤭ꤊꤣꤧ꤭ꤘꤢꤦ꤬ ꤠꤢꤧ꤭ꤍ꤫ꤥ꤬ ꤟꤢꤨꤔꤣꤧ꤬ꤔꤣꤧ꤬꤯ ꤊꤢꤩ꤬ ꤠꤢꤧ꤭ ꤟꤢꤩ ꤊꤜꤣꤧ꤭ꤟꤢꤨ ꤒꤣ꤬ꤖꤚꤢꤩ꤬ꤖꤚꤢꤩ꤬ ꤔꤢꤧ, ‘ꤡꤝꤢꤗꤣꤧ꤭,’ ꤟꤢꤩꤔꤣꤧ꤬ꤗꤢ꤬ ꤢ꤬ ꤙꤢꤩ꤬ꤡꤝꤢ ꤖꤢꤧ, ꤊꤢꤩ꤬ ꤠꤢꤧ꤭ ꤟꤢꤩ ꤜꤢ꤭ꤒꤢꤩ꤬ ꤘꤣ ꤢ꤬ꤚꤥ꤬ꤒꤣ꤬ꤖꤚꤢꤩ꤬ ꤔꤢꤧ, ‘ꤟꤢꤧ꤭ꤗꤣꤧ꤭,’ ꤟꤢꤩꤔꤣꤧ꤬ꤗꤢ꤬ ꤢ꤬ ꤙꤢꤩ꤬ ꤟꤢꤧ꤭ ꤖꤢꤧ꤯ ꤓꤥ꤭ꤒꤥ꤬ ꤠꤢꤧ꤭ ꤊ꤫ꤢꤦ꤬ ꤟꤢꤩ ꤠꤢꤧ꤭ꤡ꤫ꤢꤦ꤬ ꤔꤢꤧ, ‘ꤗꤢꤩ꤬ꤗꤣꤧ꤭ꤣꤧ꤭,’ ꤟꤢꤩꤔꤣꤧ꤬ꤗꤢ꤬ ꤢ꤬ ꤙꤢꤩ꤬ ꤗꤢꤩ꤬ ꤖꤢꤧ, ꤊꤜꤣꤧ꤭ꤊꤢꤨ꤬ꤊꤜꤢꤪ ꤔꤢꤪ꤭ꤟꤢꤧ꤭ ꤟꤢꤩ ꤕ꤫ꤢꤩ꤬ ꤟꤢꤨꤣꤧ꤭꤯” ꤙꤣꤧ ꤛꤢꤩ꤬ꤏꤛꤢꤨ ꤔ꤫ꤤ꤬ꤟꤥ꤭ ꤢ꤬ ꤟꤢꤩ ꤟꤢꤨꤣꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ ꤋꤛꤢꤛꤢꤦ ꤡꤣꤧ꤯ ꤢ꤬ ꤒꤣꤧ꤬ꤚꤤꤒꤥ꤭ ꤊꤢ꤬ꤋꤛꤢ꤭ ꤢ꤬ꤔ꤫ꤢꤩ꤬ ꤘꤣ ꤊꤣꤧ꤬ꤛꤢꤧ꤭ ꤋꤚꤝꤢ꤭ꤊꤣꤧ꤭ ꤜꤢꤨ꤭ꤋꤛꤢ꤭ ꤒꤣꤧ꤬ꤟꤢꤩ꤬ ꤢ꤬ ꤥ꤬ ꤚꤣꤧ꤬ ꤢ꤬ ꤟꤢꤩ ꤊꤣꤧ꤬ꤛꤢꤧ꤭ ꤙꤢꤩꤗꤢꤨ꤬ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ, “ꤠꤢꤧ꤭ ꤟꤢꤩ ꤕ꤫ꤢꤩ꤬ ꤞꤤ꤭, ꤒꤢꤩ꤬ꤛ꤫ꤢꤦ꤬ ꤟꤢꤨꤣꤧ꤭ ꤔꤣꤧ꤬, ꤠꤢꤧ꤭ ꤗꤢꤧꤓ꤫ꤣꤧ꤬ꤔꤢꤪ ꤜꤢ꤭ꤟꤤ ꤒꤣ꤬ꤖꤥ꤮ ꤒꤥ꤬꤯ ꤘꤣ ꤤ꤬ꤎꤢ꤬ꤚꤢꤩꤜꤢ꤬ꤖꤢꤨ ꤒꤣꤧ꤬ꤟꤢꤩ꤬ ꤢ꤬ꤊꤜꤢꤩ꤭ ꤡꤣꤧꤙꤢꤩ꤬ꤙꤢꤩ꤬, ꤠꤢꤧ꤭ ꤗꤢꤧꤓ꤫ꤣꤧ꤬ꤔꤢꤪ ꤜꤢ꤭ꤟꤤ ꤒꤢꤩ꤬ꤛ꤫ꤢꤦ꤬ꤏꤢꤪ꤭ ꤟꤢꤨꤣꤧ꤭ꤔꤣꤧ꤬ ꤜꤢ꤭ꤟꤤꤒꤥ꤬꤯”

ꤙꤣꤧ ꤛꤢꤩ꤬ꤞꤤ꤭ ꤟꤢꤧ꤭ ꤢ꤬ꤋꤢꤩ꤭ꤔꤣꤧ꤬, ꤢ꤬ꤒꤥ꤭ ꤔꤢꤧ ꤛꤢꤩ꤬ꤏꤛꤢꤨ ꤛ꤫ꤢꤧ꤬ꤥ꤬ꤗ꤫ꤢꤩ꤬ꤊꤢ꤬ ꤢꤩꤔꤢꤧ꤬ꤡꤣꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ꤒꤢꤩ꤬ꤏꤝꤤ ꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤢ꤬ꤒꤢꤩ꤬ꤏꤢꤩ꤭ ꤥ꤬ ꤒꤣꤧ꤬ꤟꤢꤩ꤬, ꤊꤣꤧ꤬ꤛꤢꤧ꤭ ꤘꤣ ꤜꤥ꤭ꤔꤢꤩꤜꤥ꤭ꤔꤢ꤬ ꤗꤢꤩ꤬ꤙꤢꤩ꤬ ꤜꤢꤨ꤭ ꤒꤣꤧ꤬ꤟꤢꤩ꤬ ꤔꤢꤧ ꤊꤣꤧ꤬ꤛꤢꤧ꤭ ꤘꤣ ꤢ꤬ ꤕꤣꤧꤞꤢꤩ꤬ꤋꤤ ꤒꤣꤧ꤬ꤟꤢꤩ꤬ ꤚꤣꤧ꤬ ꤢ꤬ ꤗꤢꤩ꤬ꤜꤤ꤭ꤊꤢ꤬ꤋꤛꤢ꤭ ꤢꤩꤜꤥ꤬ ꤕ꤫ꤢꤩ꤬ ꤢꤨ꤭꤯ ꤢ꤬ ꤟꤢꤩꤏꤢꤦ꤬ ꤊꤢ꤬ꤋꤛꤢ꤭ ꤕ꤫ꤢꤩ꤬ ꤋꤢꤨ꤭ꤛꤥ꤭ꤟꤢ꤬ ꤔꤢꤪ꤭ꤟꤢꤧ꤭ ꤘꤣꤧꤟꤣꤧ꤭ ꤛꤢꤩ꤬ꤞꤤ꤭ ꤒꤢꤩ꤬ꤚꤤ꤬ꤒꤢꤩ꤬ꤊꤢꤧ꤭ ꤣꤧ꤭ꤒꤣꤧ꤬ꤟꤢꤩ꤬ ꤔꤢꤧ, “ꤊꤢ꤬ꤟꤢꤩꤏꤥ꤬ ꤕ꤫ꤢꤩ꤬ ꤋꤢꤨ꤭ꤛꤥ꤭ꤟꤢ꤬ ꤔꤢꤧ ꤜꤢꤪ꤭ ꤒꤢꤩ꤬ ꤘꤣ ꤞꤤ꤭ ꤗꤢꤧꤓ꤫ꤣꤧ꤬ ꤔ꤫ꤤ꤬ꤟꤥ꤭ ꤣꤧ꤭ꤒꤣꤧ꤬ꤟꤢꤩ꤬ꤔꤣꤧ꤬ ꤔꤤ꤮꤯ ꤊꤣꤧ꤬ꤛꤢꤧ꤭ ꤕꤣꤧꤞꤢꤩ꤬ꤋꤤ ꤒꤣꤧ꤬ꤟꤢꤩ꤬ ꤗꤢꤧꤓ꤫ꤣꤧ꤬ ꤡ꤫ꤢꤧ꤬ꤟꤣꤧ, ꤊꤣꤧ꤬ꤛꤢꤧ꤭ ꤋꤢꤧꤘꤥ꤬ꤘꤢ ꤒꤣꤧ꤬ꤟꤢꤩ꤬ ꤡꤝꤢꤡ꤫ꤢꤧ꤬ꤟꤣꤧ, ꤊꤣꤧ꤬ꤛꤢꤧ꤭ ꤒꤢꤩ꤬ꤏꤢꤩ꤭ꤗꤢꤨꤗ꤫ꤢꤧ꤬ ꤘꤣ ꤖꤢꤜꤥ꤬ ꤒꤣꤧ꤬ꤟꤢꤩ꤬ ꤥ꤬ꤗ꤫ꤢꤩ꤬ ꤊꤢ꤬ꤋꤛꤢ꤭ ꤜꤢꤪ꤭ꤟꤣꤧ, ꤊꤣꤧ꤬ꤛꤢꤧ꤭ ꤊꤢꤨꤜ꤫ꤤ꤬ꤊꤣꤧ꤬ꤢꤪ꤭ ꤒꤣꤧ꤬ꤟꤢꤩ꤬ ꤊꤢꤨꤜ꤫ꤤ꤬ꤊꤢꤨ꤭ꤜꤤ꤭ ꤜꤢꤪ꤭ꤟꤣꤧ, ꤊꤣꤧ꤬ꤛꤢꤧ꤭ꤞꤣꤧ꤭ ꤒꤣꤧ꤬ꤟꤢꤩ꤬ ꤞꤣꤧ꤭ꤖꤚꤢꤩ꤬ꤊꤣꤧ꤬ꤓꤢꤪ꤬ ꤊꤢ꤬ꤋꤛꤢ꤭ ꤋꤛꤢ꤭ꤞꤢꤧꤟꤣꤧ, ꤊꤣꤧ꤬ꤛꤢꤧ꤭ ꤏꤥ꤭ꤖꤢꤏꤥ꤭ꤚꤢꤧ꤬ꤖꤢꤨ ꤒꤣꤧ꤬ꤟꤢꤩ꤬ ꤔ꤫ꤤ꤬ꤟꤥ꤭ꤙꤢꤩ꤬ ꤊꤣꤧ꤭ꤟꤣꤧ ꤒꤢꤩ꤬ꤞꤤꤋꤚꤢꤦ꤭ꤗꤝꤤ꤭ꤜꤢ꤬ ꤟꤣꤧ꤯