Popular Bible Verses from Матай 7

Deildu

Сұраңдар, сонда сендерге беріледі, іздеңдер, сонда табасыңдар, қағыңдар, сонда сендерге ашылады.

Себебі сұраған әркім алады, іздейтін болса, табады, қағатын болса, ашылады.

Сондықтан кім Менің осы сөздеріме ден қойып, оны тыңдап, оларды іске асыратын болса, ол үйін жартасқа салған ақылды адамға ұқсайды.

Сондықтан адамдар қалай да сендердің қалағандарыңды істесін десеңдер, сендер де олардың қалауына сай істеңдер. Себебі Таурат заңы мен пайғамбарлар жазбаларының негізі осыған бекітілген.

Өмірге апаратын қақпа да, жол да тар және оны табатындар аз.

Тар қақпадан кіріңдер, өлімге апаратын қақпа да, жолда кең, көп адамдар тек сонымен ғана жүреді.

Өздерің зұлым бола тұра, балаларыңа жақсы сыйлар беру керектігін білесіңдер, алайда сендердің Көктегі Әкелерің Өзінен сұрағандарға одан да мол етіп бере алады.

Өздерің айыпталмауларың үшін, өзгелерді де айыптамаңдар. Себебі сендер басқаларды қалай айыптасаңдар, сендер де солай айыпталатын боласыңдар және қандай өлшемді қолдансаңдар, өздеріңе де сондай өлшем қолданылады.

Алайда Менің осы сөздерімді тыңдап, оларды іске асырмаған әркім үйін құмға тұрғызған ақымақ адамға ұқсайды.

Неге өз бауырыңның көзіндегі жаңқаны көріп, ал өз көзіңдегі бөренені байқамайсың? Немесе өз көзіңдегі бөренені байқамай тұрып, бауырыңа: «Кәне, сенің көзіңдегі жаңқаны алып тастайын», -деп қалай ғана айта аласың?

Сендер жалған пайғамбарлардан сақ болыңдар, олар қойдың терісін жамылып келеді, алайда олардың ішкі жан дүниесі жыртқыш қасқырға ұқсас болады. Сөйтіп, оларды жемістеріне қарап танып -білетін боласыңдар. Тікенді бұтадан жүзім, ошағаннан інжір жинай ма?

Сонымен, әрбір жақсы ағаш жақсы жеміс береді, шіріген, жаман ағаш жаман жеміс береді.

Жақсы ағаш жаман жеміс, ал шіріген ағаш жақсы жеміс бере алмайды.

Жақсы жеміс бермейтін әрбір ағаш шабылып, отқа тасталынады.