Popular Bible Verses from Maraco 16

Deildu

Nazapa denima uati tarrari: —Zama bazimaza rraui tirrarizarri. Madirra bazimaza otauimari madirra tocassiuauerauiuarrinecca teccorarize-manarri −naui nade.

Ouaza parrissa quenarraridenipa oua oniza zepedeni irrimanaza canauatorimana canauitoui. Canauatorimana quenazapa Deocca dacorehe auato tanitoui. Rrehe, oua oniza uati uati toquenazapa Tocorime-Taminecca zozosse tocorime zosse ininebaqqui-manauitoui. Touatti onihiza naco uatide nauatoqquiri nauitoui. Macca coma tauicca damade parriremanauitoui. Coma tauicca oni veneno ze quenaza naco pouadeniza comene nouerauitoui. Madirra comaqquiri narrarideni naco pouadeni zepeza bara iquenazapa totocanomire nauitoui −naui nade Zeso.

—Nazapa madirra otauimariza parrissa quenaza passo dopaniza niniqui carrimanazapa tocassiuauerauitoui. Naraha madirra ouaza parrissa quena-rrararraridenipa Deorrine narrizoue rriquerreraniuarri rraui torrezimauitoui.

Nazapa Zeso tauimari icassiuaueraniuarrinecca poua uatimadedeni zama bazimaza ecomerarize-mananiuarrine rraui torrarizarrari. Ecomerarize-manezape ia Zozossede acco icanabaqquiza pocca dacorehema canauatorimana canarizarrari. Nama quenazapa madirradeniza Zeso tauimari parrissa auato tarraro. Peperri.

Zabissopa ponideniza uati tarrari: —Ticappinemana terrerarri! Tiadenipe Zeso Nazaretiuarricca qquide rraui tirrarronarraro. Narraripa aua porimacossaniza coba izanemanaza zoqqueraha nauatonirrari. Arrazapa noueraui. Rrari, poua ibezemanauiuarri qqui tiquenarro.

Naraha bacco toqueneza qqui toquenanerre tonoccobiripe touaberre narraro. Siba imenipe parrimaraniuarrina uitterre narraro. Nezape rraui torrezimeza qqui toquenanerre zabisso eterori mopo taha nauatoniuarri uittari canarrari. Nezape uarro quenarraro nade.