Vinsæl biblíuvers úr KALASAY 3

Deildu

Aw li duw ay taakw gwuradiy nyidim nuwukadiy duw taakw kwurdanadiy yawiyik mawul kwasik yikuw wadaak, adiy atampika mawul jaaw kwusi-kwadiy day mawul nak tidakikik. Yitaypika Duw Jisas Krais, di bwutaay gwuradiy vaal sipwutiy-didiy. Alik tikuw, gwur gwurabab atampik nuwukadiy gwurak vaal yinadiy duw taakw dayadiy vaal asipwutiy.

Adiy viyakita javib nyanyi wukin tikuw, gwur kidi kupwaam rinadiy kupwarapa niki jaav niki javik wuki-tikwa.

Gwur duwadikanik yawiy akis kwur-kwanadiygwur. Gwur Yitaypika Duw Jisas Kraisak yawiy kwur-kwanadiygwurik. Alik tikuw, gwur yarakara yawiy akwur.

Gwur Jisas Kraisawa nakamwiyib tikuw, God gwuraam tasakwukuw di dikidiy duw taakw tigwurkikik, di gwurak samasam mawul yikuw, alik tikuw, gwur kitampika mawul akwur. Gwur nuwukadiy duw takwak awuk. Gwur nuwukadiy duw takwak rikarik akwur. Gwur gwuradiy mawul kwusida-takaan ada. Gwur yabiyib mawul war-tikwa duw takwak.

Jisas Krais diki nyanak kwiydil maaj gwuradiy mawulaam kwakwa. A maaj lakwun tikuw, gwur gwurak yarakara kalivaan awalaakw. Gwur God diki lapa nyigaam rinadiy song ada. Gwur Kristen dayadiy song ada. God dikidi Mawul gwuradiy mawulaam mwugiydik, song ada. Gwur kidiy song Godak ada, dikik rakarak tikuw. Gwur Yitaypika Duw Jisas dikidiy duw taakw tigwuralik tikuw, alik gwur gwuradiy maaj yarakara abwul. Gwur gwuradiy yawiy yarakara akwur. Gwur Jisas Krais dikidiy duw taakw tigwuralik tikuw, alik gwur Godak wayapiy as Jisas Kraisaar a javik.

Gwuradiy mawul nuwukadiy duw takwak samasam ay. A mawul, aal mwiya yitaypik tikwana nuwukadiy mawulak. A mawul, aal miyawa viyakita mawulak daya mwiya maaw tina.

Jisas Krais kiyakuw ridik, God ata kirapitakadid. Kirapitakakuw, Jisas Krais ata adawur tipaar warid. Warkuw, alim God diki mava tabaam tikwanaad God diki ap kwurkuw. Gwur Jisas Kraisawa nakamwiyib kirapitaka-napik kirapitaka-didiygwur kwula mawul kwurgwurkik. Alik tikuw, gwur God diki mawulaam rinadiy javib nyanyi wukin ada.

God tasakwu-didiygwur Jisas Krais diki kwusida-takaan tikwana mawul gwuradiy mawulaam rilikikik. Atampika mawul kwurkuw, gwur nakamwiyib bap nak tikuw, gwur yarakara kwa-kidiygwurik. Aw gwur nyanyi Godak wayapiy as gwurak kwurdil yawiyik.

Gwur kidiy vaal yikir war-kwagwuradiy mawul dayadiy yawiy kidiykaan adiyka: duw takwaam vaal yan, taakw duwaam vaal yan kipa yabim, watipi-danadiy yawiy duw taakw dayadiy milaam kwurin, duw taakw awarwa awarwa kwurkwur mawul tan, mawul warkuw vaal yikir tan, kipa duw taakw dayadiy javik mawul yan kwurkwurik, aw dayadiy mawul Godak yi-yaay, day adiy javik yikwanadiy kwurik.

God Jisas Kraisaar gwuradiy kwula mawul takatipi-kwanaad. Alik tikuw, kiyanadi duw kaytik, gwur adiy kupwaam rinadiy javik wuki-tikwa.

Aw kita gwur ababa kupwarapa javiwa yawiy bwan akwiy. Gwur wariya kwudiy wa-tikwa. Yabiyib mawul war-tikwa. Gwuradiy mawul war-tikwa nuwukadiy duw takwaam kupwarapa jaav kwurik. Sapis jikin kwur-tikwa. Kupwarapa maaj wa-tikwa. Gwur gwurak awarwa awarwa suwaal maaj bwulabagwu-tikwa. Gwur gwuradiy tayir wuki-gwuradiy kupwarapa mawul dayadiy kupwarapa yawiywa bwutaay wapakuw, kwula mawul kwur-nadiygwurik. God di yawiy nyanyi kwurkwanaad gwuradiy mawulaam dikidi mawula pik tigwurkikik. God adiy mawul gwuraam yitaka-didiy aw gwur dikim mwiyir lakwu-gwurkik. Alik tikuw, gwur adiy kupwarapa javiwa yawiy kwur-tikwa.

Aw kita gwur ababa kupwarapa javiwa yawiy bwan akwiy. Gwur wariya kwudiy wa-tikwa. Yabiyib mawul war-tikwa. Gwuradiy mawul war-tikwa nuwukadiy duw takwaam kupwarapa jaav kwurik. Sapis jikin kwur-tikwa. Kupwarapa maaj wa-tikwa. Gwur gwurak awarwa awarwa suwaal maaj bwulabagwu-tikwa. Gwur gwuradiy tayir wuki-gwuradiy kupwarapa mawul dayadiy kupwarapa yawiywa bwutaay wapakuw, kwula mawul kwur-nadiygwurik. God di yawiy nyanyi kwurkwanaad gwuradiy mawulaam dikidi mawula pik tigwurkikik. God adiy mawul gwuraam yitaka-didiy aw gwur dikim mwiyir lakwu-gwurkik. Alik tikuw, gwur adiy kupwarapa javiwa yawiy kwur-tikwa.

Gwur duw, gwuradiy mawul gwuradiy takwak yikwadiy. Alik tikuw, gwur dayaam wasap wasap ti-tikwa.

Gwur nyanugw, gwuradiy amaay asaay dayadiy ababa majib awuk. Aal viyakita aw li Kristen nyanugw atawa kwur-kidanaal. Aw li gwur atawa kwur-kigwura, gwur Godaam mwugiy-kigwuraad rakarak tidikikik.

Gwur taakw, gwur Kristen tigwuralik tikuw, alik gwur gwuradiy lanugw dayadiy mawul wadanadiy yawiyib akwur.